Ku kupwa kwa July na ku kutampa kwa August, kwali ifinkukuma ifikalamba mu kukonkana e lyo ne finono ifyapitile pa cishi ca Lombok mu calo ca Indonesia, fyaipeye abantu ukucila pali 436 kabili abantu nalimo 350,000 tabakwete mwakwikala. Icinkukuma cimo icakulile 7.0 caliwisha ifikuulwa kabili calionaula ifintu ifingi nga nshi.

Lipoti ifumine ku maofeshi ya musambo mu Jakarta ilelangilila ukuti takuli nangu umo uwa bwananyina uufwile, nangu ca kuti amayanda ya bakasabankanya bamo nayonaika. Na kabili icikuulwa bakasabankanya 40 balonganinamo pali ici cishi apaba fye icilonganino cimo naco calionaika. Bamunyinefwe babili ukufuma kwi ofeshi lya musambo baliya kuli iyi ncende kukumona ifyo bengafwa no kukoselesha abaponenwe no busanso.

Twakulapepelako bamunyinefwe muli iyi nshita yaafya, natwishiba ukuti Yehova alikwata amaka ‘yakubasansamusha mu macushi yabo yonse.’—2 Abena Korinti 1:4.