Pa 30 November 2018, Icipani Cilolekesha pa Filye ica mu Kyrgyzstan calilembesha mwi funde icilonganino ca Nte sha kwa Yehova mu musumba uukalamba uwa Osh.

Nangu ca kuti Inte sha kwa Yehova balilembeshe icilonganino cabo mu calo ca Kyrgyzstan mu 1998, ilyo babikileko ifunde ilipya pa mipepele mu 2008, abalashi mu misumba imo iyabela ku kapinda ka ku kulyo aka ici calo ukwabela no musumba wa Osh, balekaana ukulembesha mwi funde Inte sha kwa Yehova muli iyi misumba. Ici calelenga abalashi balemona kwati bamunyinefwe balapula mwi funde nga balelongana nelyo nga balebila imbila nsuma. Inshita shimo bakapokola baleya mu kupumfyanya ukulongana mu mayanda ya bamunyinefwe nelyo nga balelonganina mu cikuulwa ca kusonkela.

Natusekelela nga nshi pantu ifibalembeshe mwi funde icilonganino ca Nte sha kwa Yehova fili no kulenga aba bwananyina mu Kyrgyzstan ukulapepa Lesa bwino kabili bakulalanshanya mu mutende na bantu ubukombe bwaba mu Baibolo.—1 Timote 2:1-4.