Munyinefwe Arkadya Akopyan, uuli ne myaka 70 uwalebomba umulimo wa kubila ifya kufwala kabili uwikala mu Kabardino-Balkaria ku Russia, ali no kuya ku cilye pa muku wa kulekeleshako pa 21 December 2018. Ukutula apo batendekele ukulubulula umulandu mu cilye ca Prohladniy District Court napapita mwaka umo no kucilapo, bamupeela imilandu yakupeela abantu impapulo ishingalenga baimina ubuteko no kulaeba abantu ukupata imipepele imo ilyo alelanda ilyashi lya Baibolo mu Ng’anda ya Bufumu.

Tatwishibe nga ca kuti bakapingula bali no kupingula uyu mulandu pa 21 December 2018. Nga ca kuti munyinefwe Akopyan bakamusanga no mulandu bali no kumulipilisha indalama ishingi sana nelyo ukumukaka mu cifungo pa myaka 4.

Munyinefwe Akopyan aba pali ba Nte ukucila pali 100 abo bapeela imilandu pa mulandu wa fyo basuminamo. Tulepepelako bamunyinefwe na bankashi bonse ababa ne citetekelo cakosa ukutwalilila ukuba no mutende uo Lesa apeela.—Abena Efese 6:11-14, 23.