•   “Mupepi na hafu ya bantu abakalamba abekala mu America balandile ukuti balomfwa sana ukutalalilwa, kabili ifi fine e fyo caba na ku misepela abali ne myaka 18 ukufika ku 25.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   Akabungwe ka “[The World Health Organization] na kasanga ukuti ukutalalilwa buli bulwele ubulesakamika sana, eco katile nakengisha abantu incito ya kufwailisha pa kutalalilwa, lyena balingile ukukoselesha abantu ukulapanga ifibusa na bantu banabo. Kabili balefwaya no kumona inshila bengafwilamo abalekwata ubwafya bwa kutalalilwa te mulandu bekala mu calo icipiina shani, kabili batile bafwile ukubombela pali ubu bwafya mu kampampa.”—World Health Organization, November 15, 2023.

 Baibo yalilanda ifyo twingacita pa kuti tube ifibusa na bantu bambi pa kuti twilatalalilwa.

 Mulecefyako ukucita ifintu ifilenga tamuleba pamo na bantu. Pali ifi fintu paba no kubomfya sana intaneti. Mu cifulo ca kulacita ifintu ifingalenga mwaba mweka mulecita ifintu ifyo mwingabombela pamo na bantu kabili nga mulecita ifi mukakwata ifibusa ifisuma.

•   Ishinte lya mu Baibo: “Ukutemwa kwa kwa cibusa wa cishinka takupwa, kabili uyu cibusa ni munyina uufyalwa ilyo kuli ubucushi.”—Amapinda 17:17.

 Mulecitilako abantu ifisuma. Ukucitila abantu ifisuma takulenga fye twaba ifibusa na bena, lelo kulalenga na ifwe tuleba sana ne nsansa.

•   Ishinte lya mu Baibo: “Mwaba insansa ishingi mu kupeela ukucila ishaba mu kupokelela.”—Imilimo 20:35.

 Ishibilenipo na fimbi ukubomfya webusaiti yesu ifyo Baibo yalandapo pa fyo mwingacita pa kuti mupange ifibusa ifisuma.