MULELOLA!
Finshi Baibolo Ilanda pa Kubomfya Ifimpashanya pa Kupepa?
Ukulingana ne fyalembele ba Catholic News Service ilyo kwali ukusefya ku St. Peter’s Basilica ukwaliko pa 25 March, 2022, Papa Francis aiminine pa ntanshi ya cimpashanya ca kwa Maria “naisala na menso kabili nakontamika no mutwe alepepa mu mutima.” Ba Papa “balepaapaata Maria” ukuti alete umutende. Lipoti iyo ba Vatican News balembele yatile “ba Papa balepepa ipepo lya kuti abantu balebomba imilimo ya basubwa, maka maka pali Russia na Ukraine ukuti bakwate umutima uutakatifu nga uwa kwa Maria.”
Muletipo shani? Bushe caliba fye bwino ukupepa pa ntanshi ya cimpashanya nelyo ukubomfya ifimpashanya pa kupepa? Moneni Amalembo ya mu Baibolo ayakonkapo:
“Wilabasa icimpashanya nelyo conse icapala ica mu muulu ku muulu nelyo ica pe sonde pa nshi nelyo ica mu menshi mwi samba lya calo. Wilafikontamina nelyo ukutunkwa ukufibombela, pantu ne Yehova Lesa obe ndi Lesa uufwaya ukupepwa fye neka.”—Ukufuma 20:4, 5. a
“Utulubi twabo twa silfere na golde, twapangwa ku minwe ya bantu. Akanwa twalikwata, lelo te kuti tulande; amenso twalikwata, lelo te kuti tumone; amatwi twalikwata, lelo te kuti tumfwe. Umona twalikwata, lelo te kuti tununshe. Iminwe twalikwata, lelo te kuti tutonye. Amakasa twalikwata, lelo te kuti twende; tatufumya iciunda ku mikoshi ya tuko. Abatupanga bakaba fye nga twena, bonse abatucetekela.”—Amalumbo 115:4-8.
“Nine Yehova. Ilyo e shina lyandi; nshakapeele ubukata bwandi kuli umbi, nangu amalumbo yandi ku fimpashanya ifyabaswa.”—Esaya 42:8.
“Fulumukeniko ku kupepa utulubi.”—1 Abena Korinti 10:14.
“Muletaluka ku tulubi.”—1 Yohane 5:21.
Nga mulefwaya ukumfwilapo na fimbi pa fyo Baibolo ilanda pa kubomfya ifilubi pa kupepa, belengeni icipande citila The Bible’s Viewpoint—Images nelyo tambeni vidio itila Bushe Lesa Alisuminisha Ukubomfya Ifimpashanya Ilyo Tulemupepa?
Nalimo kuti mwatemwa no kwishiba ifyo Baibolo ilanda pali aya malyashi:
“Miracles and Apparitions—Signs From God?”
Photo credit: Vincenzo Pinto/AFP via Getty Images
a Yehova e shina lya kwa Lesa (Amalumbo 83:18) Belengeni icipande citila “Bushe Yehova Nani?”
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Tulingile Ukupepa Ifilubi?
Bushe Lesa alasakamana nga tulebomfya ifilubi pa kupepa?
AMALYASHI AYALEKANALEKANA
Bushe Imipepele Ifwile Ukuibimba mu Fikansa fya Calo?
Mwi sonde lyonse, abantu abengi abatila bena Kristu balaitumpa mu fikansa fya calo. Bushe e fyo bafwile ukucita?
AMASAMBILISHO YA MU BAIBO AYACINDAMA
Bushe Lesa Alitemwa Imipepele Yonse?
Abantu bengi bamona kwati caliba fye bwino ukupepa ukuli konse.
MULELOLA!
Ifyo Imipepele Iletungilila Inkondo mu Ukraine—Finshi Baibolo Yalandapo?
Ifyo intungulushi shamapepo mu Russia na mu Ukraine shilecita na fipusana ne fyo Yesu asambilishe abasambi bakwe.
AMASAMBILISHO YA MU BAIBOLO
Tendekeni ukusambilila Baibolo ne Nte sha kwa Yehova
Tendekeni ukusambilila baibolo ne Nte sha kwa Yehova ukwabula ukulipila.
