Pa 27 January, mu 2023, abantu abengi bakulaibukisha abantu abo baipeye. (International Holocaust Remembrance Day). Nangu ca kuti ifi fyacitike imyaka ukucila pali 75 ku numa, nalimo kuti mwalafwaya ukwishiba icalengele Lesa aleke abantu abengi nga nshi ukwipaiwa.

•   Pa kuti mwishibe ifyo Baibo yalandapo, belengeni icipande citila “Mulandu Nshi Kwabelele Icimusango ca Kwipaya AbaYuda mu Nkondo ya Calo iya Bubili? Cinshi Lesa Ashaleseshe Cilya Cimusango?”

 Aba Yuda baliculile icine cine pantu ebo baipeye sana pali ilya nshita. Pa kwipaya aba Yuda abengi nga nshi balepanga inshila sha kubepailamo. Abantu abali mu mabumba yambi nabo bene balebacusha no kubepaya pali ilya nshita baipeye aba Yuda abengi. Pali aya mabumba pali ne Nte sha kwa Yehova, abo balecusha pa mulandu wa fyo basuminamo.

•   Pa kuti mwishibilepo na fimbi, belengeni icipande citila “Finshi Fyacitikile Inte sha kwa Yehova Ilyo AbaNazi Baleipaya Abantu Ilyo Kwali Inkondo?”

 Abantu abengi baliba no mwenso pantu bamona kwati filya ifyacitikile aba Yuda kuti fyacitika na kabili. Lelo icawamako ca kuti, Baibo yalilanda ukuti ku ntanshi ifyabipa ifya musango uyu tafyakalecitika.

•   “‘Pantu ninjishiba amatontonkanyo ayo ndetontonkanya pali imwe,’ e fyasosa Yehova, ‘amatontonkanyo ya mutende, te ya bubi iyo, aya kumupeela inshita ya ku ntanshi iisuma ne subilo.”—Yeremia 29:11. a

 Ifi fikacitika ilyo Yehova Lesa akafumyapo ifyabipa ificitika ukubikako fye nefyabipa ifyafuma mu fyo abantu bacita. Ali no kucita ifi nomba line:

•   Akafumyapo abacusha no kwipaya abanabo.—Amapinda 2:22.

•   Akondapa bonse abalecula.—Ukusokolola 21:4.

•   Akabuusha abafwa.—Yohane 5:28, 29.

 Kuti mwacetekela ifyo Baibo yalanda ifi tusansamusha. Nga mulefwaya ukwishiba umulandu twingacetekela ifyo Baibo ilanda. Pa kuti mufishibe tulemulomba ukuti mukatende ukusambilila Baibo na ba Nte.