Ulwimbo lwa Nyimbo 1:1-17
-
Ulwimbo ulwacila inyimbo shonse (1)
-
Umukashana (2-7)
-
Abana banakashi ba mu Yerusalemu (8)
-
Imfumu (9-11)
-
“Tukakupangila utubekobeko twa golde” (11)
-
-
Umukashana (12-14)
-
“Umutemwikwa wandi aba nga kamufuko ka muri” (13)
-
-
Kacema (15)
-
“Kwena waliyemba, we mutemwikwa wandi”
-
-
Umukashana (16, 17)
-
“Kwena uli musuma we mutemwikwa wandi” (16)
-
1 Ulwimbo ulwacila inyimbo shonse, ulwa kwa Solomone:+
2 “Shi lekeni amfyompe ne milomo yakwe,Pantu icitemwiko cobe caliwama ukucila umwangashi.+
3 Amafuta yobe yalanunkila bwino.+
Ishina lyobe lyawama nga mafuta ayanunkila ayapongolwelwe.+
E mulandu wine abakashana bakutemenwa.
4 Nsenda tuye nobe; tubutuke.
Imfumu yanyingisha mu miputule ya iko iya mu kati!
Natusekelele no kwangila pamo.
Ale natulande sana pa citemwiko cobe ukucila ukulanda pa mwangashi.
E co bakutemenwa.*
5 “Ndi mukashana umufiishi,* lelo naliyemba, mwe bana banakashi ba mu Yerusalemu,Naba nga matenti ya ku Kedari,+ kabili nge nsalu sha kwi tenti+ lya kwa Solomone.
6 Mwimona fino nafiitulukila,Akasuba e kangoca.
Bandume yandi balimfuliilwe;Bampeele umulimo wa kulinda amabala ya myangashi,Lelo ibala lyandi ne mwine nshalilindile.
7 “Njeba uko ucemena impaanga+We o natemwa sana,Uko ushitwala ku kutuusha akasuba nga kafika pa kati.
Inga cinshi ico ndebela ngo mwanakashi uufimbene icifimbo ca kulooseshamo ku mensoUuli pa mpaanga sha banobe?”
8 “Nga tawaishiba, we wayemba nga nshi pa banakashi bonse,Kabiye ulekonka umupitile impaangaKabili ucemene abana ba mbushi shobe mu mbali ya matenti ya bacemi.”
9 “We mutemwikwa wandi, nakupashanya kuli kabalwe umukota umusuma uwa kwi celeta lya kwa Farao.+
10 Utubekobeko twa ku mutwe obe tulenga amasaya yobe yalamoneka bwino,Kabili ubulungu bulenga umukoshi obe ulemoneka bwino.
11 Tukakupangila utubekobeko twa golde,Tukabikemo na matoni ya silfere.”
12 “Ilyo imfumu ikele pe tebulo ilyabulungana,Amafuta yandi*+ yafumya akacena akasuma.
13 Umutemwikwa wandi aba nga kamufuko ka muri*+ kuli ineUbushiku bonse akalaala pa kati ka mabele yandi.
14 Umutemwikwa wandi aba nge cisansangu ca maluba ya henna+ kuli ine,Mu mabala ya myangashi aya ku En-gedi.”+
15 “Ala kwena waliyemba, we mutemwikwa wandi!
Ala kwena waliyemba! Amenso yobe yaba nga ya nkunda.”+
16 “Ala kwena uli musuma we mutemwikwa wandi, kabili waliwama!+
Ubusanshi bwesu ubwa mabuula bwalinakilila.
17 Imyalo ya ng’anda yesu* ya mikedari,Insonta shesu sha mikupri.
Amafutunoti
^ E kutila, abakashana
^ Mu ciHebere, “uwafiita.”
^ Mu ciHebere, “aya nardi.”
^ Muri, mafuta ayanunkila bwino ayo balefumya ku finyamuti fya fimuti fimo.
^ Nelyo “ing’anda yesu iisuma.”
