MU 1985 ilyo nali ne myaka 18, ubuteko bwa Soviet Union bwalinsendele ukubombako ubushilika pa nshita imo. Nalecula sana pa fyo abantu bashali no mulinganya kabili aba mutitikisha ica kuti naletontonkanya ukuti: ‘Nshilefwaya nkabe nga aba bantu. Ndefwaya nkapusaneko.’ Na lyo line, nasangile ukuti te lyonse nalecita ifintu ukulingana ne fyo nalefwaya. Nalefwaya ukwaluka mu bumi bwandi.

Ilyo napwishishe ukubomba umulimo wa bushilika, nalibwelelemo ku ng’anda. Bushiku bumo ilyo nafumine ku parte, nalipepele kuli Lesa ukuti angafwe ukwaluka. Ubushiku bwakonkelepo ilyo naleya ku ncito, natandalile bamayosenge abali Inte ya kwa Yehova. Ilyo naingile mu ng’anda, nasangile ibumba ilinono ilya Nte sha kwa Yehova balelongana. Balimpokelele bwino sana kanshi nasalilepo ukwikala no kutendeka ukukutika ku fyo balesambilila.

Nalisumine ukulasambilila Baibolo kabili ilyo papitile imyeshi 6, nalibatishiwe. Yehova fye e wangafwile ukwaluka no kuba umuntu umusuma, icintu ico nshali no kucita ne mwine.