Uo Wingapashanya—Mose

Mose alishukile sana. Akuliile mu ng’anda ya mfumu Farao kabili asambilile amano yonse aya bena Egupti. (Imilimo 7:22) Bushe aali no kubomfya shani amano asambilile? Afwaya nga alilumbwike, nga alikwete ifyuma kabili nga aali kateka. Lelo talekele bambi ukumupatikisha ukucita ifyo ashalefwaya, talekumbwa ukulumbuka. Lelo ifyo asalilepo ukucita fyalipapwishe abengi. Asalilepo “ukuculila pamo na bantu ba kwa Lesa.” (AbaHebere 11:25) Bushe Mose ali-ipuswile pa kucita ifi? Awe nakalya. Pa mulandu wa kuti asalilepo ukubombela Lesa no kwafwa abantu, calengele aba ne nsansa.

Tutile na iwe wakwata ishuko lya kusambilila sana, kuti wabomfya shani amasambililo yobe? Nalimo kuti watemwa ukukwata ifyuma kabili kuti wafwaya no kulumbuka. Nangu nga filya Mose acitile, kuti wasalapo ukubomfya ubumi bobe ku fintu ifyacindama sana. Kuti wabomfya amano yobe na maka ukubombela Lesa na bantu banobe. (Mateo 22:35-40) Ici e cingakuletela sana insansa!