Ku Nkupo

Mwe Bacaice,

Imfumu ya mano Solomone yalembele ukuti: “Sekelela we mulumendo ilyo ucili umulumendo [nelyo umukashana], no mutima obe usamwe mu nshiku sha bulumendo bobe, wende na mu mibele ya mutima obe no kucita ifyo amenso yobe yalefwaya.” (Lukala Milandu 11:9) Ilyo umuntu acili umwaice, alaba sana ne nsansa, kabili tulefwaya ukuti na iwe uleba ne nsansa. E ico, tulekukoselesha ukulacita ifintu ifyakulalenga Yehova Lesa ukutemwa. Wilalaba ukuti Lesa alamona ifyo ucita kabili akakupingula ukulingana ne fyo ucita. E mulandu wine cawamina ukulakonka ukupanda amano na kumbi ukwa kwa Solomone, ukutila: “Ibukisha Kabumba obe Lesa Mukulu mu nshiku sha bulumendo bobe.”—Lukala Milandu 12:1.

Tulepepa kuli Lesa ukuti ifyebo ifili muli cino citabo, filekwafwa ukulashipikisha amafya na matunko ayo abaice balekwata pali ino nshita kabili fyakulakwafwa ukwishiba ifya kucita ifintu ukulingana ne fyo Lesa afwaya. Nga walacita ifyo, ukalalenga umutima wa kwa Yehova ukusekelela.—Amapinda 27:11.

Ibumba Litungulula Ilya Nte sha kwa Yehova