Bushe Mutila Baibolo ni Cinshi?
Bushe kuti mwatila . . .
-
libuuku umwaba amano ya bantunse?
-
ibuuku umwaba inshimi na malyashi ya kale?
-
Cebo ca kwa Lesa?
IFYO BAIBOLO ILANDA
“Amalembo yonse aya mushilo yafuma kuli Lesa.”—2 Timote 3:16, e fyo calembwa muli Baibolo Amalembo ya Calo Cipya.
IFYO MWINGANONKELAMO
Baibolo kuti yalenga mwasanga amasuko ku mepusho yacindama sana.—Amapinda 2:1-5.
Baibolo kuti yamwafwa mu mikalile yenu.—Amalumbo 119:105.
Baibolo kuti yalenga mwakwata isubilo lya kuti ifintu fikawama.—Abena Roma 15:4.
BUSHE KUTI TWASUMINA IFYO BAIBOLO ILANDA?
Ee, pantu kwaliba ifintu fitatu ifingalenga tusumine:
-
Amalembo yabamo yalomfwana. Baibolo yalembelwe pa myaka ukucila pali 1,600. Abantu abalekanalekana 40 e balembele Baibolo. Abengi tabaishibene no kwishibana. Lelo ica kupapusha ca kuti ifyo balembele filomfwana kabili filanda fye pa mutwe we lyashi umo wine!
-
Ilyashi lyabamo lya cine. Ilingi line abalemba ilyashi lya kale balafisa ifyo abantu babo ba bacimfishe. Abalembele Baibolo bena balilembele ne fyo balufyenye e lyo ne fyo uluko lwabo lwalufyenye.—2 Imilandu 36:15, 16; Amalumbo 51:1-4.
-
Amasesemo yabamo lyonse yalafikilishiwa. Baibolo yalisobele ukonaulwa kwa musumba wa Babiloni ninshi kucili imyaka 200 ukuti umusumba onaulwe. (Esaya 13:17-22) Tayalanda fye pa fyo Babiloni yali no konaulwa, lelo yalilumbwile ne shina lya muntu uwali no konaula uyu musumba!—Esaya 45:1-3.
Amasesemo ya mu Baibolo ayengi yalifikilishiwe ukubikako fye no tuntu utunono, uto amasesemo yalandilepo. Bushe ifi te fyo twingenekela Icebo ca kwa Lesa ukuba?—2 Petro 1:21.
IFYO MULINGILE UKULATONTONKANYAPO
Bushe Icebo ca kwa Lesa kuti camwafwa shani ukukwata imibele na imbi iisuma?
Baibolo ilasuka ici cipusho pali ESAYA 48:17, 18 e lyo na pali 2 TIMOTE 3:16, 17.
Nalimo Kuti Mwatemwako ne fi
AMASUKO KU MEPUSHO YA MU BAIBOLO
Bushe Baibolo Cinshi?
Tendekeni ukwishibilapo na fimbi pa bukembe ubwafuma kuli Lesa ubo beta ukuti Icebo ca kwa Lesa.
AMASUKO KU MEPUSHO YA MU BAIBOLO
Finshi Mufwile Ukucita pa Kuti Mwishibe Baibolo?
Te mulandu ne nkulilo yenu, kuti mwaishiba amashiwi ya kwa Lesa ayaba mu Malembo ya Mushilo.
AMASAMBILISHO YA MU BAIBO AYACINDAMA
Bushe Baibolo Cebo ca kwa Lesa?
Nga ca kuti Lesa e walengele Baibolo ilembwe, ninshi ifwile ukucila ifitabo fimbi ifyabako.
PA NTE SHA KWA YEHOVA
Mulandu Nshi Mulingiile Ukusambilila Baibolo?
Mu Baibolo mwaliba ifyasuko ku mepusho yacindama ayo abantu abengi pano calo bakwata. Bushe na imwe kuti mwatemwa ukusanga amasuko ku mepusho mwakwata?
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
