IFYO TWINGACITA PA KUTI TULEBILA BWINO IMBILA NSUMA | MULECITA IFINGALENGA MULESEKELELA ILYO MULEBILA IMBILA NSUMA
Muleafwa Abasambi ba Baibolo Ukulalongana
Ukulongana kwalicindama sana mu kupepa ukwasanguluka. (Amalu. 22:22) Bonse abasangwa ku kulongana balaba ne nsansa kabili balapaalwa. (Amalu. 65:4) Abasambi ba Baibolo balalunduluka bwangu sana nga ca kuti balesangwa ku kulongana lyonse.
Finshi mwingacita pa kukoselesha abasambi ba Baibolo ukusangwako ku kulongana? Lyonse mulebeta ukwisa mu kulongana. Mulebatambishako vidio itila Finshi Ficitika pa Ng’anda ya Bufumu? no kulabalondolwela ubusuma bwaba mu kusangwa ku kulongana. (lff isambililo 10) Kuti mwabebako ne fishinka fimo ifyo mwasambilile pa kulongana nelyo ukubebako ifikaba mu kulongana kukonkelepo. Kuti mwapeelako abasambi benu ulupapulo tukalabomfya pa kulongana. Kabili kuti mwabafwako na mu fyo balekabila, pamo nga imyendele. Fyonse ifyo mwingacita pa kwafwa umusambi wenu ukusangwa ku kulongana tafyakaye fye mu menshi umusambi nga asangwa ku kulongana pa muku wa kubalilapo.—1 Kor. 14:24, 25.
TAMBENI VIDIO ITILA MULEAFWA ABASAMBI BA BAIBOLO UKULALONGANA, LYENA ASUKENI AMEPUSHO YAKONKAPO:
-
Finshi ba Jade balefwaya ukwishiba ifyalengele ba Neeta babete ku kulongana?
-
Cinshi tubela ne nsansa nga ca kuti umusambi wa Baibolo aisa ku kulongana?
-
“Lesa aba muli imwe cine cine”
Finshi ba Jade bailemona ilyo baile ku kulongana pa muku wa kubalilapo?
