May 27–June 2
AMALUMBO 42-44
Ulwimbo 86 ne Pepo | Amashiwi ya Kutendekelapo (1 min.)
1. Mulecita Ifyo Yehova Atusambilisha
(10 min.)
Mulepepela Yehova pamo na ba bwananyina, nga kuti mwakumanisha kuti cawama mulelonganina pa Ng’anda ya Bufumu (Amalu. 42:4, 5; w06 6/1 ibu. 9 para. 4)
Mulepepa ilyo mushilatendeka ukuisambilisha Icebo ca kwa Lesa (Amalu. 42:8; w12 1/15 ibu. 15 para. 2)
Mulecita ifyo Baibo ilanda cila bushiku (Amalu. 43:3)
Ifyo Yehova atusambilisha filalenga tuleshipikisha nga twaba na mafya, e lyo filalenga twafishapo ne fyo twalaile ukuti tukalamubombela umuyayaya.—1 Pet. 5:10; w16.09 ibu. 5 amapara. 11-12.
2. Ukufwayafwaya Icuma Icaba mu Cebo ca kwa Lesa
(10 min.)
-
Amalu. 44:19—Ni mwi nalimo mwalola amashiwi ya kuti “mu bwikalo bwa bamumbwe?” (it-1-E ibu. 1242)
-
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amalu. 44:1-26 (th isambililo 11)
4. Ifyo Mwingatendeka Ukulanshanya
(4 min.) KU NG’ANDA NE NG’ANDA. Bepusheni nga kuti batemwa ukusambilila Baibo. (lmd isambililo 5 icishinka 5)
5. Nga Mwabwelelako
(5 min.) KU NG’ANDA NE NG’ANDA. Iteni abo mulelanshanya nabo ukwisasangwa ku lyashi lya Baibo ilya ku cintubwingi. Batambisheni no kulanshanya nabo vidio itila Finshi Ficitika pa Ng’anda ya Bufumu? (lmd isambililo 7 icishinka 5)
6. Ilyashi
(3 min.) lmd ifyebo fyalundwako A icishinka 4—Umutwe: Bonse Bakaba no Bumi Ubusuma. (th isambililo 2)
Ulwimbo 21
7. Mulesala Bwino Incito Mulefwaya Ukubomba na Masambililo Mwingayako
(15 min.) Ukulanshanya.
Mwe bacaice, bushe mwalisalila limo ifyo mukacita nga mwapwisha isukulu? Nalimo mwalitontonkanya kale pa ncito mukalabomba iikalenga mukalebomba bwino bupainiya. Nelyo muletontonkanya pa kuya ku sukulu mu kusambilila ifya kubomba imilimo imo, ukukwatako laisensi nelyo dipuloma iingalenga mwalabomba iyo incito. Iyi ni nshita iyacindama sana mu bumi bwenu! Na lyo line, limo kuti camukosela ukusalapo ifyo mwingacita, nelyo kuti mwalafwaya ukucita ifyo bambi balefwaya. Finshi fingamwafwa ukupingulapo bwino ifya kucita?
Belengeni Mateo 6:32, 33. Lyena ipusheni abali mwi bumba ifi fipusho:
-
Mulandu nshi cawamina ukusalila limo imilimo mwingabombako mu cilonganino ca kwa Lesa, ilyo mushilasalapo incito nelyo amasambililo mwingayako?
-
Bushe abafyashi kuti ba-afwa shani abana babo ukubomfya ifyaba pali Mateo 6:32, 33?—Amalu. 78:4-7
Mulecenjela pa kuti ukufwaisha ukukwata indalama ishingi nelyo ukulumbuka tafilengele mwafilwa ukusala bwino ifya kucita. (1 Yoh. 2:15, 17) Muleibukisha ukuti ukukwata ifintu ifingi kuti kwalenga umuntu afilwa ukukutika ku mbila ya Bufumu. (Luka 18:24-27). Nga ca kuti umuntu alebombesha sana pa kuti fye akwate ifyuma ifingi, kuti camukosela ukukwata bucibusa bwakosa na Lesa.—Mat. 6:24; Marko 8:36.
Tambeni VIDIO Itila Mwilacetekela Ifishitwalilila Ukubako!—Ifyuma. Lyena lanshanyeni ne bumba ici cipusho:
-
Bushe ifyaba pa Amapinda 23:4, 5 kuti fyamwafwa shani ukupingulapo bwino ifya kucita?
8. Isambililo lya Baibo Ilya pa Cilonganino
(30 min.) bt icipa. 10 amapara. 5-12
