Mibele nshi mufwaya umunenu ukukwata? Nalimo mufwaya aba uwa cishinka, uwa cikuuku, nelyo kapekape. Ifi e fyo Yehova aba. (Ukufu. 34:6; Imil. 14:17) Yehova alomfwa nga mwapepa, kabili alamwafwa ilyo mulekabila ubwafwilisho. (Amalu. 18:19, 35) Na kabili nga mwalufyanya alamwelela. (1 Yoh. 1:9) Kanshi Yehova ni cibusa umusuma!

Kuti mwacita shani pa kuti mube cibusa wa kwa Yehova? Mulingile ukulabelenga pali ena mu Cebo Cakwe, kabili mulingile no ukulamweba ifili ku mutima. (Amalu. 62:8; 142:2) Mulecita ne filanga ukuti mwalitemwa ifyo Yehova atemwa pamo nga, Umwana wakwe, Ubufumu bwakwe, na malayo atulaya. Muleebako abantu pali ena. (Amala. 32:3) Nga mwapalama kuli Yehova, akaba cibusa wenu umuyayaya.—Amalu. 73:25, 26, 28.

TAMBENI VIDIO ITILA MWE BACAICE—“SONDENI NO KUMONA UKUTI YEHOVA MUSUMA,” PA NUMA ASUKENI AYA MEPUSHO:

• Finshi mulingile ukucita pa kuti muipeele no kubatishiwa?

• Finshi aba mu cilonganino bengacita pa kuti bamwafwe ukulabombela bwino Yehova?

• Bushe ukubila imbila nsuma kuti kwalenga shani bucibusa bwenu na Yehova bwakoselako?

• Milimo nshi imbi iya mu cilonganino iyo mwingabombako?

• Finshi mwatemwa pali Yehova?