Belengeni Ukutendeka 25:​29-34 pa kuti mwishibe nga ca kuti Esau na Yakobo balisalile bwino ifya kucita.

Ishibilenipo na fimbi pa fyo mulebelengapo. Finshi fyacitike ilyo ifyalembwa pali ili lembo fishilacitika? (Ukute. 25:​20-28) Finshi fyacitike pa numa?—Ukute. 27:​1-46.

Fwailenipo ifyebo na fimbi. Kale mulimo nshi umwana umwaume ibeli alekwata kabili ni nsambu nshi akwete?—Ukute. 18:​18, 19; w10 5/1 13.

• Bushe umwana umwaume alingile ukuba ibeli pa kuti abe icikolwe ca kwa Mesia? (w17.12 14-15)

Tontonkanyeni pa fyo mwasambililako, kabili mulecita ifyo mwasambilila. Mulandu nshi Yakobo alemwena ukuti ishuko lya kuba ibeli lyalicindeme sana ukucila ifyo Esau alelimona? (Heb. 12:​16, 17; w03 10/15 28-29) Bushe ifyo Esau na Yakobo basalilepo fyalengele Yehova aumfwa shani, kabili mulandu nshi? (Mal. 1:​2, 3) Finshi Esau ali no kucita pa kuti asalepo bwino ifya kucita?

• Yipusheni amuti, ‘Bushe kuti nalanga shani ukuti nalibika amano ku fya kwa Lesa ilyo ndetantika ifyo ndi no kucita mu mulungu pa kuti tafilengele nafilwa ukukwata amapepo ya lupwa?’