IFINGATWAFWA NGA NATUSAKAMIKWA NELYO TULI NA MAFYA
Bushe Mwalikwata Amasakamika?
Ba Jill a batile: “Umuntu fye onse alasakamikwa inshita shimo, lelo ine imona kwati ndasakamikwa sana. Icilenga ndesakamikwa ni co nalikwata amafya ayengi kabili abalume bandi balilwala pa myaka iingi.”
Ba Barry batile: “Abakashi bandi balimbutwike kabili nine nashele ndesakamana abana besu babili. Tacayangwike ukukusha abana neka. Incito yalipwile kabili nshakwete ne ndalama sha kulungishisha motoka. Nshaishibe ifya kucita. Nalisakamikwe sana pantu amafya yalimfuliile. Nalishibe ukuti nshalingile ukuipaya, e ico nalombele Lesa ukuti imfwe fye.”
Bushe na imwe inshita shimo mulomfwako ifi fyaleumfwa ba Jill na ba Barry? Nga ca kuti e fyo mumfwa, ninshi ifipande fili muli ino magazini fyalamwafwa no kumusansamusha. Ifi ifipande filelanda pa filenga tulesakamikwa, ificitika mu mubili nga natusakamikwa nelyo tuli na mafya, ne fingatwafwa ukulaumfwako bwino nga natusakamikwa.
a Amashina nayalulwa.
Nalimo Kuti Mwatemwako ne fi
ULUPUNGU LWA KWA KALINDA
Abantu bonse Balasakamikwa
Abasambilila sana basanga ukuti na bantu abasakamikwako fye panono, nabo kuti bafwa bwangu. Finshi mwingacita pa kucefyako amasakamika?
LOLENI!
Ubwafya: Ukulaumfwa Sana Ubulanda
Bushe mulomfwa sana ubulanda, ukufulwa sana, nelyo ukulaenda fye ne cikonko ku mukoshi umuntu nga amukalifya? Moneni ifingamwafwa.
