Kuti Mwacita Shani pa Kuti Muisalilepo?
“Isonde kuti lyaipanga iline kabili likatwalilila ukulaipanga.”—E fyo ba Stephen Hawking na ba Leonard Mlodinow abasambilila ifya physics balembele mu citabo citila The Grand Design icafumine mu 2010.
“Lesa apangile umuulu e lyo ne sonde.”—E filanda Baibolo pa Ukutendeka 1:1.
Bushe ifyaba mu muulu na pe sonde ukubikako fye ne fya mweo, ni Lesa wafibumbile nangu fyaishilebako fye ifine? Ifyo balya babili twacilandapo abasambilila sana ifya physics ba-asuka ici cipusho e lyo ne fyo Baibolo yasuka mu mashiwi ya kutendekelako, fyalipusana icine cine. Kwaliba abantu abasumina ukuti ifyo balya abasambilila sana physics balandile fya cine, e lyo kwaliba na bantu abasumina ukuti ifyo Baibolo ilanda fya cine. Lelo abantu abengi tabaishiba bwino icishinka. Kabili abantu abengi mu mabuuku e lyo na pa milabasa balakansaninapo pali ili lyashi.
Nalimo bakafundisha benu ku sukulu bamusambilishe ukuti ifyaba mu muulu na pe sonde fyaishilebako fye ifiine takwaba uwafipangile. Bushe kwaliba ifishinka ifyo bakafundisha wenu bamulangile ifilanga ukuti takwaba Kabumba? Nomba nalimo mwalyumfwapo bashimapepo balelanda ukuti kwaliba Kabumba, lelo bushe bena balimulangile ifishinka ifilanga ukuti kwaliba Kabumba? Nelyo bushe bamwebele ukuti nga mwasumina ifyo balanda ninshi mwaliba ne citetekelo?
Nalimo mwalitontonkanyapo pali ifi kabili limbi mumona ukuti takuli uwingamupeela ifishinka ifilanga nampo nga kwaliba Kabumba nelyo iyo. Kabili nalimo mutila bushe calicindama ukwishiba icasuko kuli ici cipusho?
Ino magazini ya Loleni yalalanda pa fishinka ifilenga abantu bacetekela ukuti kwaliba Kabumba. Kabili yalalenga twishibe no mulandu cacindamina ukwishiba nga kwaliba Kabumba nelyo iyo.
Nalimo Kuti Mwatemwako ne fi
IFYACINDAMA IFYO BAIBOLO ISAMBILISHA
Bushe Kwali Uwabumbile Umuulu ne Sonde?
Abantu abengi tabomfwikisha ifyo Baibolo ilanda pa bubumbo kabili balanda ati ifyo ilanda fyakwelenganya fye. Bushe ifyo Baibolo ilanda fya cine?
AMALYASHI AYALEKANALEKANA
Bushe Ifya Mweo Fyaishilebako Shani?
Icishinka ca kuti, abantu abengi abasambilila ukubikakofye na ba sayantisti bamo,balatwishika nga ca kuti ifyo icisambilisho ca kuti ifintu fyasangwike fye ifine cilanda fya cine.
AMASUKO KU MEPUSHO YA MU BAIBOLO
Bushe Lesa E Walengele Ifya Mweo Fitendeke Ukusanguka?
Ifyo Baibolo ilanda tafyapusa ne fyo basayantisiti balanda ukuti ifya mweo fyonse fyali-ibela.
ABACAICE BEPUSHA UKUTI
Bushe Fyapangilwe Fye Nelyo Fyasangwike Fye?—Ulubali 1: Mulandu nshi Ningiile Ukusumina Ukuti Lesa E ko Aba?
Bushe te kuti utemwe ukulaicetekela pa kulondolola umulandu wasuminina muli Lesa? Mona ifyo wingasuka nga bakwipusha umulandu wasuminina muli Lesa.
PA NTE SHA KWA YEHOVA
Lombeni Ukumutandalila
Lanshanyeni icipusho ca mu Baibolo, nelyo ishibilenipo na fimbi pa Nte sha kwa Yehova.
