“Ubufumu Bwenu Bwise”—Abantu Abengi Balapepa Ukuti Ubufumu Bwise
Bushe mwalitala amupepapo amuti Ubufumu bwa kwa Lesa bwise? Pa myaka iingi abantu abengi balapepa ukuti Ubufumu bwa kwa Lesa bwise. Cinshi bapepela ifi? Ni co Yesu alyebele abasambi bakwe ukuti bafwile ukulapepela Ubufumu bwa kwa Lesa.
Pa kubala abasambi ba kwa Yesu tabaumfwikishe fyonse ifyo abasambilishe pa Bufumu. Pa nshita imo bamwipwishe abati: “Mwe Shikulu, bushe ni pali ino nshita mulebwesesha ubufumu kuli Israele?” Nalimo balipapile pantu Yesu tabaswike mu kulungatika. (Imilimo 1:6, 7) Bushe ici cilolele mu kuti te kuti twishibe bwino Ubufumu bwa kwa Lesa nelyo bukesa? Awe!
Luno Ulupungu lwa kwa Kalinda lwala-asuka amepusho yakonkapo:
Cinshi tufwaila Ubufumu bwa kwa Lesa?
Bushe Imfumu ya Bufumu bwa kwa Lesa nani?
Ni lilali Ubufumu bwa kwa Lesa bukatendeka ukuteka isonde?
Finshi Ubufumu bwa kwa Lesa bukacita?
Cinshi tulingile ukulatungilila Ubufumu bwa kwa Lesa pali ino nshita?
Bushe Ubufumu bwa kwa Lesa cinshi?
Nalimo Kuti Mwatemwako ne fi
ULUPUNGU LWA KWA KALINDA
Mulandu Nshi Tulingile Ukupepela Ukuti Ubufumu bwa kwa Lesa Bwise?
Finshi ifyo Ubufumu bwa kwa Lesa bukacita ifyo imitekele ya bantu ishingacita?
AMASAMBILISHO YA MU BAIBO AYACINDAMA
Bushe Ubufumu bwa kwa Lesa ni Cinshi?
Ilyo Yesu ali pano isonde alesambilisha sana pa Bufumu bwa kwa Lesa ukucila pa lyashi ili lyonse. Pa myaka iingi abantu abengi balapepa ukuti ubu Bufumu bwise.
