Tulemwita ku Lyashi Lyaibela Ilileti:

Kuti Mwacingililwa Muli ici Calo ca Macushi!

Ili lyashi lya Baibolo bakalilanda mu fyalo ukucila 230. Mu ncende ishingi, bakalilanda pa bushiku bwa pa Mulungu, pa April 15, 2007. Finshi mwingasuubila ukuyaumfwa muli ili lyashi? Mukwai fimo fimo ni fi:

Finshi fyalenga abantu abengi ukukanacingililwa?

Ni lilali, sana sana, abantu balekele ukumfwa ukuti balicingililwa?

Ni kwi uko twingacingililwa kabili kuti twacingililwa shani?

Mukayaumfwa ifyasuko nga mwasangwa kuli ili lyashi lyacindama ilya Baibolo ilyo bakalalanda mu ncende ishingi sana. Mu ncende ishingi, ili lyashi bakalilanda mu Ng’anda ya Bufumu iya Nte sha kwa Yehova. BaNte abo mwikala nabo bakatemwa ukumweba inshita ya kulongana no kwa kulonganina. Ala tulemwita no mweo onse ukwisayumfwila ili lyashi lya Baibolo ilyacindama kabili ilya kukoselesha.