ULUPUNGU LWA KWA KALINDA—ULWA KUSAMBILILAMO October 2014
Muli ino magazini muli ifipande fya kusambililamo ukutendeka December 1 ukufika ku 28, 2014.
Bali-ipeele Abene mu Kuitemenwa
Ba Nte ukucila 100 balikuukila kuno ukwaba sana ukukabila. Sambilileni ku fyo bambi baacita ne fyabafwa ukutwalilila ukushimikila ku fyalo fimbi.
Mwilatwishika Ukuti Ubufumu Bukafikilisha Ubufwayo bwa kwa Lesa
Yehova abomfeshe ifipangano 7 pa kupeela ubushininkisho bwa kuti Ubufumu bwakwe bukafikilisha ubufwayo bwakwe. Bushe ifi fipangano kuti fyakosha shani icitetekelo cesu?
Mukaba “Ubufumu bwa Bashimapepo”
Ifipangano fya kulekeleshako fitatu pa fipangano 7 filenga twacetekela Ubufumu bwa kwa Lesa no kulashimikila imbila nsuma kuli bambi.
UBUMI BWABO
Ifintu Ifyacindama sana Ifyacitika mu Mulimo Wandi uwa Bufumu
Ba Mildred Olson balibombela Yehova pa myaka ukucila 75 , ukubikapo ne myaka nalimo 29 iyo babomba bumishonari mu El Salvador. Cinshi cabalenga ukuba abacincila?
Mulelanga Ukuti Mulatasha pe Shuko lya Kubombela Pamo na Yehova!
Cinshi cilenga bakapepa ba kwa Yehova ukukanalakonkelela ififwaya imitima yabo?
“Bikeni Imitima Yenu pa Fya Ku Muulu”
Mulandu nshi abakwata isubilo ilya kwikala umuyayaya pano calo balingile ukubikila imitima yabo pa fintu ifya ku muulu? Kuti bacita shani ifi?
