Bushe Lesa E ko Aba?

TINIKENI

Bushe Lesa E ko Aba?

11 September mu 2001: Inshita ya 08:46 hrs, indeke iikalamba yapunkile mu cikuulwa icali ku kuso pa fikuulwa fya World Trade Center ifyali mu musumba wa New York, mu America. Ifi e fyatendeke ukusansa kwa fipondo. Mu ma-awala mupepi na yabili ayakonkelepo, abantu nalimo 3,000 balifwile pali bulya bushiku.

26 December, 2004

Pali ubu bushiku, icinkukuma icikalamba sana calipitile muli bemba ya Indian Ocean kabili calengele kube amabimbi ayakalamba ayapamine ifyalo 11, ukubikako ne fyalo fimo ifya mu Africa nangu cingati fyabelele apalepele amakilomita 5,000. Mu bushiku fye bumo, abantu 150,000 balifwile nelyo ukuluba, kabili amayanda yalyonaike ica kuti abantu ukucila pali 1 milioni tabakwete umwa kwikala.

1 August mu 2009: Umwaume uwali ne myaka 42 ali no mwana wakwe uwali ne myaka isano baleangala pa menshi kabili bailepunka mu cabu bapangila ne mbao. Wishi afwilile palya pene e lyo umwana afwile ubushiku bwakonkelepo. Lupwa lwabo umo uwaumfwile sana ububi, atile: “Twalesubila ukuti icisungusho calacitika kabili umwana alapola.”

Nga mwabelenga ilyashi lilelanda pa kusansa kwa fipondo nelyo utuyofi nangu ilyo mwaponenwa no busanso, bushe mulatwishika nampo nga Lesa alamona ificitika? Bushe mutontonkanya ukuti alitulabako? Mu fipande fikonkelepo twalamona ukuti muli Baibolo mwaliba amasuko ayatusansamusha.

[Abatusuminishe Ukubomfya Ifikope pe bula 3]

PRAKASH SINGH/AFP/Getty Images

ULUPUNGU LWA KWA KALINDA