Icipande ca Baice

Cingilila Ukupepa kwa Cine!

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

Abo balelandapo sana: Eliya, Ahabu, na bakasesema ba kwa Baali 450

Ifyo cali: Eliya alenga abantu baishiba ukuti Yehova alikwata amaka ukucila Baali.

1 TONTONKANYA PA CACITIKE.—BELENGA 1 ISHAMFUMU 18:17-40.

Buula ipepala, ulengepo icikope icilelanga apali Eliya, abalepepa Baali, e lyo ne fiipailo ukulingana ne fyo ule-elenganya.

Congo ca musango nshi uletontonkanya ukuti e ciliko ilyo kuli icimfulunganya, icilondolwelwe mu fikomo 26 ukufika ku 29?

․․․․․

Bushe uletontonkanya ukuti ishiwi lya kwa Eliya lileumfwika shani ilyo alelanda kuli bakasesema ba kwa Baali?

․․․․․

2 FWAILAPO IFYEBO NA FIMBI.

Mulandu nshi Eliya alingile ukubela uwashipa pa kuti alande na Ahabu no kucita icali no kuseebanya bakasesema ba kwa Baali abengi nga nshi? (Pa kusanga icasuko: Belenga 1 Ishamfumu 18:4, 13, 14.)

․․․․․

Belengelapo impapulo na shimbi pa kuti wishibe ifyo ukupepa Baali kwali. Ku ca kumwenako, finshi fimo ifyo balecita pa kupepa Baali? Bushe ukupepa Baali kwalengele abena Israele ukuba shani?

․․․․․

 Bushe uletontonkanya ukuti cinshi calengele Eliya ukwimba umukolwa mu mbali ya ciipailo ca kwa Yehova no kwisushamo amenshi?

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO . . .

Pa fyo umuntu afwile ukushipa pa kuti acingilile ukupepa kwa cine.

․․․․․

Pa fyo abashipa bapaalwa.

․․․․․

FINSHI FIMBI IFYO WASAMBILILAKO?

Ni muli finshi ulingile ukushipa sana ilyo ulecingilila ukupepa kwa cine?

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

Nga tawakwata baibolo, kuti walombako ku Nte sha kwa Yehova