Wan niuspepa blong yunivesiti (Gaceta) i talem se, visit we ol studen oli mekem blong luk ol ofis blong ol Witnes blong Jehova long Meksiko mo faktri blong olgeta blong printim ol buk, i givhan long olgeta blong “lego ol tingting we oli gat agens” long ol Witnes.

Hemia toktok blong sam long ol studen ya:

• “Mifala i glad long ol gudfala fasin we mifala i luk . . . respek, kaen fasin, i no gat wan we i ting se i hae moa long narawan, mo ples i klin gud.”

• “Evriwan oli glad blong wok tugeta olsem wan tim, hemia wan gudfala eksampol we mifala i save folem.”

• “Evriwan oli putum tingting blong olgeta i stap strong long wok we oli mekem, mo oli stap smael.”

• “Mifala i sapraes blong luk olsem wanem faktri blong printim ol buk i oganaes gud.”

Ol studen ya oli kam long National School of Library and Archival Sciences long Mexico City.

Long klosap 100 kantri, ol Witnes blong Jehova oli glad blong soemaot ol ofis blong olgeta mo ol faktri blong printim ol buk, long ol man we oli visitim ol branj ofis blong olgeta. Sipos eniwan i wantem karem wan grup blong ol studen blong visitim branj ofis, oli save faenemaot infomesen long saed blong taem mo ples long MIFALA > TUA BLONG BETEL. Ol wanwan man mo famle tu oli welkam blong visitim ol branj ofis blong mifala.