Wan memba blong envaeromen tim i testem pH level blong wota blong smol pul klosap long bigfala entrens. Ol test ya oli save soemaot sipos ol samting we oli mekem blong tekemaot ol nogud posen doti oli wokgud.

Wan woman i lanem hao blong putumap ol weta-proteksen bod. Ol bod ya, wetem ol insulesen, mo brik wol long fran, oli fomem aotsaed wol blong haos blong slip.

Wan rola i rolemtaet graon long rod, blong kolta i save go antap long hem. Rod ya i goraon long ful yad blong branj mo i finis long ples ya nao klosap long Prodaksen Haos Saot.

Foto ya i lukluk kamdaon long skae long notwes saed. Long fored i gat bigfala masin blong leftemap samting, we i stanap long welkam eria blong ofis bilding. Long raetsaed blong hem yu save luk floa slab blong Ofis Bilding, mo long lefsaed yu luk ol fandesen blong kijin, rum blong kakae, mo oditorium. Oli muvumaot dek blong stanap mo lukluk, we i bin stap antap long raethan saed, blong ol visita oli save luk ful konstraksen wok.

Oli muvumgud ol stil ruf i go blong fomem fremwok blong kijin, rum blong kakae mo oditorium, we oli pat blong ofis bilding.

Wan memba blong envaeromen tim i wajemgud wok blong digim graon klosap long wan tri we i tabu blong katem. Olgeta we oli wok afsaed long graon oli putum fenis raon long rus blong tri blong i no kasem damej. Mo oli pulum fenis raon long wan eria we i gat ol tri long hem, blong kronstraksen wok i no go ya.

Wan man we i wok afsaed long graon i putum gras folfolem saed blong rod blong wokbaot. Ol stik oli holemtaet gras ya i stap kasem we ol rus i gru.

Wan woman we i stap pent i putum wan namba blong makem, long naesfala timba plang long namba tri stori. Ol konstraksen wokman oli stat muv i go long Haos Blong Slip D long nekis manis blong hem.

Ol kontrakta oli slakem kamdaon long ples blong hem wan ful simen step we oli wokem rere finis.

Ol memba blong draewol tim we oli stap long masin blong leftemap, oli joenem frem blong korido wol i go long siling. Long raetsaed blong olgeta i gat wan tul blong leftemap ol paep, we mekanikol tim i yusum blong leftemap pat blong HVAC sistem taem oli putumap.

Ol memba blong mekanikol tim oli putum ol paep klip aninit long welkam eria blong ofis bilding.

Ol wokman oli wokem rod blong drenwota bitwin Prodaksen Haos Not mo Prodaksen Haos Saot.

Ol kontrakta oli putumap las haf blong rel we i goraon long flat ruf we i aotsaed long rum blong kakae. Vranda we i stap aninit i go long Haos Blong Slip A.

Ol putum ol stil rafta i go. Bae i gat ol woksop mo ol ofis insaed long bilding ya.

Foto ya i lukluk kamdaon long skae long notwes saed. Long medel i go long raetsaed, yu save luk we, wok blong putumap stil fremwok blong Prodaksen Bilding Saot i finis, mo wok blong putumap fran wol i stap gohed. Long fored yu save luk we oli stap wok long Prodaksen Bilding Not, mo long fored blong bilding, fas kot blong kolta i go finis. Long medel i go long lefsaed, i gat ol ofis bilding, mo biaen moa i gat ol haos blong slip.

Foto ya i lukluk kamdaon long skae long is saed, long taem ya we san i girap. Long fored yu save luk ol Haos blong Slip D, E, mo F we oli finis finis. Haos blong Slip C bae i finis long Oktoba.

Ol wokman oli yusum ol bigfala raon laemston blong bildim wan wol raon long wan smol pul. Eria ya bae i kam wan naesfala yad long fored blong bigfala entrens blong ofis bilding, we yu save luk i stap biaen ol tri.

Ol kapenta oli fitim HVAC mo ol laet long siling blong wan ofis. Bae oli usum ofis ya blong ol defdefren tim oli save mit tugeta blong tokbaot mo wokemaot oda blong wok blong olgeta.

Oli stanemap ol simen panel we oli wokem fastaem finis long Ofis Bilding. Long fasin ya, wok i gohed hariap moa, taswe long en blong Ogis be oli stanemap finis fulwan aotsaed wol blong Ofis Bilding. Ol bigfala windo oli letem plante sanlaet i kam insaed long ol ofis. Oli bildim ol windo i go dip insaed blong i blokem tumas saen blong san long kolkoltaem, mo tumas hot blong san long hot taem.

Ol wokman oli rere blong kavremap gud ruf antap long rum blong kakae mo oditorium. Ol wol ya bae oli blokem blong noes i no bigwan taem oli yusum tufala rum ya long sem taem.