Sam Pej Nomo, Be Long Plante Moa Lanwis
Stat long Jenuware 2013, Wekap! mo Wajtaoa we yumi seremaot long pablik bambae oli no moa gat 32 pej, be bambae oli gat 16 pej nomo.
From we ol magasin ya oli smol moa, ol tim blong translesen bambae oli save transletem olgeta i go long plante moa lanwis. Eksampol, Wekap! blong Disemba 2012 oli transletem i go long 84 lanwis, mo Wajtaoa blong Disemba 2012 oli transletem i go long 195 lanwis. Be stat long Jenuware 2013, bambae oli transletem Wekap! i go long 98 lanwis, mo Wajtaoa i go long 204 lanwis.
Wajtaoa blong stadi bambae i stap sem mak nomo, we i gat 32 pej long hem.
Oli Printim Sam Pej Nomo, Be i Gat Plante Pej Long Websaet
Ol jenis ya bambae oli afektem websaet ya www.dan124.com long tu defren rod.
Sam haf blong ol magasin bambae oli kamaot long websaet nomo. Sam long olgeta hemia, “Ol Yangfala,” “Baebol Lesen Blong Mi,” mo ripot blong ol graduesen blong Gilead, we oli bin stap long Wajtaoa we yumi seremaot long pablik. Tufala haf ya “Samting Blong Famle i Tokbaot” mo “Ol Yangfala Oli Askem” we oli bin stap long Wekap!, naoia bambae oli kamaot long websaet nomo.
Wajtaoa mo Wekap! we plante yia i stap long www.dan124.com long PDF fomat, bambae i kamaot tu long HTML fomat. Hemia bambae i mekem i moa isi blong yu openem mo ridim olgeta long kompiuta o mobaelfon. Mo tu, bambae i moa isi blong yu ridim ol narafala buk blong yumi, we oli stap long intenet long 400 lanwis.