Aesea 64:1-12
64 Sipos yu bin terem heven i open mo yu kamdaon,Nao ol bigfala hil bambae oli seksek from yu,
2 Olsem taem we faea i stap bonem ol smosmol branj blong tri,Mo faea i mekem wota i boel,Ale, ol enemi blong yu bambae oli save nem blong yu,Mo long fored blong yu, ol nesen bambae oli seksek.
3 Taem yu mekem ol samting blong sapraes we mifala i no bin tingbaot,+Long taem ya yu kamdaon, mo long fes blong yu, ol bigfala hil oli stap seksek.+
4 Stat bifo i kam, i no gat wan man i harem, no i openem sora blong hem,Mo i no gat wan ae i luk wan God be yu nomo,God ya we i stap mekem ol samting long bihaf blong olgeta we oli stap wet* long hem.+
5 Yu yu mitim finis olgeta we oli glad blong mekem samting we i stret,+Hemia olgeta we oli tingbaot yu mo oli folem ol rod blong yu.
!Yu luk! Yu yu kam kros taem mifala i stap gohed blong mekem sin,+Mifala i mekem olsem blong longtaem.
?Yu ting se naoia i stret blong sevem mifala?
6 Mo mifala evriwan i kam olsem man we i no klin,Mo olgeta fasin nogud we mifala i mekem, oli olsem wan klos we sik blong woman i mekem i kam doti.+
Bambae mifala evriwan i drae olsem wan lif,Mo olsem win, ol rong blong mifala bambae oli karem mifala i gowe.
7 I no gat wan man i stap singaot long nem blong yu,I no gat wan man we i mekem tingting blong hem i strong blong holem strong long yu,From we yu yu haedem fes blong yu long mifala,+Mo yu mekem se bodi blong mifala i stap kam nogud,* from ol rong blong mifala.*
8 Be naoia, O Jehova, yu yu Papa blong mifala.+
Mifala i klei, mo yu yu Man Blong Wokem Graonpot,*+Mifala evriwan i wok blong han blong yu.
9 Plis Jehova, yu no mas kros long mifala bitim mak,+Mo yu no tingbaot ol rong blong mifala olwe.
Plis yu lukluk i kam long mifala, from we mifala evriwan i man blong yu.
10 Naoia, tabu taon blong yu i kam wan draeples.
Saeon i kam wan draeples finis,Jerusalem i kam wan ples we i nogud.+
11 Haos* blong mifala we i tabu mo i fulap long glori,*Hemia ples we ol olfala blong mifala oli stap presem yu long hem,Ol man oli bonem finis long faea,+Mo olgeta samting we mifala i laekem tumas, naoia oli brobrok nogud i stap.
12 From samting ya, Jehova, ?bambae yu gohed blong holembak yu wan blong yu no mekem wan samting??Bambae yu gohed blong stap kwaet mo yu letem mifala i stap harem nogud bitim mak?+
Ol futnot
^ NT: “we oli gat longfala tingting, oli stap wet.”
^ PT: “from han blong mifala we i fulap long rong.”
^ PT: “mifala i melt.”
^ NT: “yu yu Man ya we i wokem mifala.”
^ NT: “tempol.”
^ NT: “i naes.”
