Amos 8:1-14
8 Hemia samting we Hae Masta Jehova i soem long mi: !Yu luk! I gat wan basket frut blong hot taem.
2 Nao hem i askem se: “?Amos, yu luk wanem?” Mi ansa se: “Wan basket frut blong hot taem.” Ale Jehova i talem long mi se: “Taem blong ol man blong mi, ol man Isrel, i kasem en blong hem finis. Bambae mi no moa fogivim olgeta.+
3 ‘Long dei ya, ol singsing long tempol bambae oli jenis i kam krae,’+ hemia nao tok blong Hae Masta Jehova. ‘Bambae i gat plante dedbodi oli folfoldaon olbaot,+ !yu stap kwaet!’
4 Yufala i harem samting ya, yufala ya we i stap stanstanap long puamanMo yufala i stap mekem se i no moa gat ol man long kantri ya we oli gat tingting daon,+
5 Mo yufala i stap talem se: ‘?Wetaem bambae lafet blong niu mun i finis,+ blong mifala i save salem ol sid blong mifala??Mo wetaem Sabat+ bambae i finis, blong mifala i save putum rere ol sid blong salem?Olsem nao mifala i save yusum wan efa* we i smol moaMo sekel* we i hevi moa,Blong trikim ol man wetem ol giaman skel blong mifala,+
6 Nao mifala i save pemaot man we i no gat naf samting, long silvaMo puaman long ol sandel,+Mo salem ol sid we oli nogud.’
7 Jehova i yusum Flas Samting Blong Jekob, blong mekem strong promes se,+‘Bambae mi neva fogetem olgeta fasin we oli mekem.+
8 From samting ya, kantri* bambae i seksek,Mo olgeta man long hem bambae oli krae.+
Long evri ples, bambae graon i kam antap olsem Nael Reva,Mo i foldaon, i draon i godaon olsem Nael Reva blong Ijip.’+
9 Hae Masta Jehova i talem se: ‘Long dei ya,Bambae mi mekem san i draon long medel dei nomo,Mo bambae mi mekem kantri ya i kam tudak long dei nomo.+
10 Bambae mi jenisim ol lafet blong yufala i kam wan taem blong sore+Mo olgeta singsing blong yufala i kam ol singsing sore.*Bambae mi fasem klos we oli wokem long bag long hips blong yufala, mo mi mekem evri hed i bolhed,Bambae i olsem taem we man i stap sore from wan boe nomo we hem i gat,Mo en blong hem i olsem wan dei we i nogud olgeta.’
11 Hae Masta Jehova i talem se: ‘!Yu luk! I gat ol dei i stap kam,We bambae mi mekem kakae i sot long kantri ya,Bambae oli no hanggri from bred o tosta from wota,Be blong harem ol tok blong Jehova.+
12 Bambae oli aot long narasaed solwota oli go long solwota narasaedMo oli aot long not oli go long is.*Bambae oli go olbaot oli stap lukaotem tok blong Jehova, be bambae oli no faenem.
13 Long dei ya, ol naesfala gel we oli no save man yet, ae blong olgeta bambae i dak,Mo ol yang man tu, from we oli tosta,
14 Hemia olgeta we oli yusum rong blong Sameria blong mekem strong promes,+ mo oli se:“!O Dan, long nem blong god blong yu we i laef i stap!”+Mo oli promes se “!Long nem blong rod we i go long Bereseba!”+Olgeta ya bambae oli foldaon, mo bambae oli no moa girap bakegen.’”+
