Jeremaea 12:1-17
12 O Jehova, yu yu soemaot se yu stret olgeta,+ taem mi komplen long yu,Mo taem mi tokbaot ol samting blong jastis wetem yu.
?Be from wanem laef blong ol man nogud i stap rongud,+Mo from wanem ol man blong giaman oli no wari nating?
2 Yu yu planem olgeta, mo rus blong olgeta i go dip finis long graon.
Oli gru mo oli stap karem frut finis.
Yu yu stap nomo long maot blong olgeta, be ol tingting blong olgeta,* i stap longwe long yu.+
3 Be yu O Jehova, yu save gud mi mo yu luk mi,+Yu yu jekemgud hat blong mi finis mo yu faenemaot se hat blong mi i fasgud long yu.+
Yu seraotem olgeta long ol narafala, olsem sipsip we i blong kilim,Mo yu putum olgeta long saed rere from dei blong kilim man.
4 ?Bambae graon ya i drae olsem gogo kasem wetaem,Mo ol tri long ol open ples, bambae oli drae gogo kasem wetaem?+From ol rabis fasin blong ol man we oli stap laef long hem,Ol wael animol mo ol pijin long graon ya oli lus evriwan finis,From oli talem se: “Hem i no luk samting we bambae i hapen long yumi.”
5 Sipos yu taed, taem yu ron wetem ol man we oli stap ron nomo long leg,?Olsem wanem yu save resis wetem ol hos?+Nating se yu gat strong tingting taem yu stap long graon blong pis,?Olsem wanem yu save pastru long ol dakbus ya long saed blong Jodan Reva we oli fasfas gud?
6 From ol stret brata blong yu tu, hemia olgeta long haos blong stret papa blong yu,Oli mekem i nogud tumas long yu.+
Oli singaot bigwan agensem yu.
Yu no mas bilivim olgeta,Nating se oli talem ol gudfala samting long yu.
7 “Mi mi lego haos blong mi finis,+ mi livim ol samting we oli blong mi.+
Mi putum finis woman we mi lavem hem tumas,* long han blong ol enemi blong hem.+
8 Olting blong mi, i kam olsem wan laeon long bus.
Hem i singaot bigwan agensem mi.
Taswe naoia mi no laekem hem nating.
9 Long lukluk blong mi, olting blong mi oli olsem wan pijin* we i gat plante kala,*Ol narafala pijin* oli raonem hem, oli stap atakem hem.+
Yufala evriwan i kam, yufala i hivap wanples, yufala ol wael animol blong bus,Yufala i kam kakae.+
10 Plante man blong lukaot long sipsip oli spolem gud plantesen blong grep blong mi finis,+Oli purumbut long graon we i blong mi.+
Oli jenisim gudfala graon blong mi i kam olsem wan draeples we i emti nomo.
11 Hem i kam wan graon we i nogud finis.
I drae nogud finis,*Long lukluk blong mi, hem i emti nomo.+
Oli mekem ful graon ya i emti,Be i no gat wan man i tingting gud long samting ya.+
12 Ol man blong distroem samting oli kam finis, oli pas long ol rod ya long draeples we man i no moa yusum,From naef blong faet blong Jehova i stap kilim ol man stat narasaed graon ya i go kasem narasaed.+
I no gat wan man* nating i gat pis.
13 Oli saksakem sid blong wit, be frut we oli kasem hem i ropnil.+
Oli wok had gogo oli taed gud, be oli no kasem wan samting.
Bambae oli sem from ol kakae we oli kasem,From we Jehova i kros tumas long olgeta.”
14 Hemia samting we Jehova i talem agensem ol rabis neba blong mi, we oli stap tajem olting we mi givim long ol man blong mi, ol man Isrel,+ hem i se: “Naoia mi stap rutumaot olgeta long graon blong olgeta,+ mo bambae mi rutumaot haos blong Juda long medel blong olgeta.
15 Be afta we mi rutumaot olgeta, bambae mi sore long olgeta bakegen, mo bambae mi tekembak wanwan long olgeta i gobak long graon blong hem mo olting blong hem.”
16 “Mo sipos oli traehad blong lanem ol fasin blong ol man blong mi, mo oli mekem promes long nem blong mi se: ‘!Long nem blong Jehova we i laef i stap!’ stret olsem we oli bin tijim ol man blong mi blong mekem promes long nem blong Bal, ale bambae oli save laef wetem ol man blong mi.
17 Be sipos oli no wantem obei, bambae mi rutumaot nesen ya tu, mi rutumaot mo mi distroem.” Hemia nao tok blong Jehova.+
Ol futnot
^ NT: “ol tingting blong olgeta we i haed; ol dip filing.” PT: “kidni.”
^ NT: “woman we sol blong mi i lavem hem tumas.”
^ PT: “pijin blong kakae mit.”
^ NT: “we i gat ol mak olbaot long feta blong hem.”
^ PT: “pijin blong kakae mit.”
^ MNT: “Hem i stap harem nogud.”
^ PT: “bodi.”
