Jeremaea 21:1-14
21 Jeremaea i kasem tok long Jehova taem King Jedekia+ i sanem Pasuru+ boe blong Malkaejah mo Sefanaea+ boe blong Mahasea, we i pris, tufala i go long hem mo askem se:
2 “Plis yu faenemaot tingting blong Jehova long bihaf blong yumi, from we King Nebukadnesa* blong Babilon i stap mekem faet agensem yumi.+ Maet Jehova bambae i mekem wan long ol bigfala wok blong hem long bihaf blong yumi, nao bambae hem i lego yumi i gobak.”+
3 Jeremaea i talem long olgeta se: “Hemia samting we yufala i mas talem long Jedekia,
4 ‘Hemia samting we Jehova God blong Isrel i talem, i se: “Bambae mi mekem ol tul blong faet we oli stap long han blong yufala i kasem yufala* bakegen. Hemia ol tul we yufala i stap yusum blong mekem faet long king blong Babilon+ mo ol man Koldia we oli raonem gud yufala aotsaed long stonwol. Mo bambae mi hivimap olgeta long medel blong taon ya.
5 Mo mi wan bambae mi stretem han blong mi, mi yusum strong han blong mi, kros blong mi mo fasin ya we mi no glad nating, mo kros blong mi we i bitim mak,+ blong faet agensem yufala.+
6 Bambae mi kilim olgeta man we oli stap long taon ya, ol man wetem ol animol tu. Bambae oli ded long wan strong sik.”’+
7 “‘Mo Jehova i talem se: “Afta long samting ya, bambae mi putum King Jedekia blong Juda mo ol man blong wok blong hem mo ol man blong taon ya, hemia olgeta we oli no ded long strong sik, long naef blong faet mo long hadtaem blong kasem kakae, long han blong King Nebukadnesa* blong Babilon, yes long han blong ol enemi blong olgeta mo long han blong olgeta we oli stap lukaot rod blong tekemaot laef* blong olgeta.+ Bambae hem i kilim ded olgeta long naef blong faet. Bambae hem i no harem se i sore long olgeta, i no kaen long olgeta, mo i no sore nating long olgeta.”’+
8 “Mo long ol man ya, yu mas talem se: ‘Hemia samting we Jehova i talem, i se: “Naoia mi putum rod blong laef mo rod blong ded long fored blong yufala.
9 Olgeta we oli stap nomo long taon ya bambae oli ded long naef blong faet, long hadtaem blong kasem kakae, mo long strong sik. Be eni man we i aot long taon ya mo i sarenda long ol man Koldia we oli raonem yufala, bambae hem i gohed blong laef, mo bambae hem i kasembak laef* blong hem we i olsem samting we ol man oli winim long taem blong faet.”’*+
10 “‘“From mi mi strong fes long taon ya blong trabol i kasem hem, i no gudfala samting,”+ hemia nao tok blong Jehova. “Bambae taon ya i go long han blong king blong Babilon,+ mo bambae hem i bonem long faea.”+
11 “‘Long olgeta long haos blong king blong Juda, yu talem long olgeta se: Yufala i harem tok blong Jehova.
12 O haos blong Deved, hemia samting we Jehova i talem, i se:“Evri moning, yu mas mekem se i gat jastis,Mo yu tekemaot man we ol man oli stilimaot hem long han blong man we i stap giaman blong stilim olting blong narafala,+Blong mekem se kros blong mi i no laet bigwan olsem faea+Mo i stap laet we i no gat wan man blong kilim i dedFrom ol rabis fasin we yufala i stap mekem.”’+
13 Mo Jehova i talem se: ‘Yu we yu stap long vali,*Yu bigfala ston long levelples, naoia bambae mi agensem yu.
Be yufala we i talem se: “?Hu bambae i kamdaon agensem mifala??Mo hu bambae i kam spolem ples blong mifala?”
14 Bambae mi panisim yufalaStret folem ol fasin blong yufala.’+ Hemia nao tok blong Jehova.
‘Bambae mi putum faea long ol bus blong hem,Mo bambae i bonem evri samting raonabaot long hem.’”+
Ol futnot
^ PT: “Nebukadresa,” narafala rod blong spelem.
^ NT: “oli tanemraon i kambak long yufala.”
^ PT: “Nebukadresa,” narafala rod blong spelem.
^ NT: “sol.”
^ NT: “sol.”
^ NT: “bambae hem i ronwe wetem laef blong hem.”
^ NT: “levelples long medel blong ol hil.”
