Jeremaea 3:1-25
3 Ol man oli askem se: “Sipos wan man i sanemaot waef blong hem mo waef ya i lego hem, mo i kam waef blong wan narafala man, ?hasban ya i save gobak long waef ya bakegen?”?Yu no ting se graon ya i kam doti we i doti finis?+“Yu yu mekem fasin blong prostitut wetem plante fren finis,+?Mo naoia yu mas kambak long mi?” Hemia nao tok blong Jehova.
2 “Yu leftemap ae blong yu i go long ol hil ya we i no gat samting long hem mo yu luk.
?I gat wan ples long hem we oli no bin repem yu long hem yet?Yu stap sidaon long saed blong ol rod, yu stap wet long olgeta,Olsem wan man we i stap jenisim ples blong hem oltaem,* long draeples.
Yu stap gohed blong mekem graon ya i dotiLong fasin blong yu blong mekem prostitut mo long ol rabis fasin blong yu.+
3 Taswe mi blokem ren blong i no moa ren,+Mo long taem we ol samting oli stap gru, i no gat ren.
Lukluk blong yu i soemaot se yu no kea nating,* olsem wan waef we i stap mekem prostitut,Yu no wantem sem from.+
4 Be naoia yu singaot i kam long mi se:‘!Papa blong mi, yu yu fren blong mi taem mi yangfala!+
5 ?Bambae man i stap kros olwe,No i holemtaet kros blong hem oltaem?’Hemia nao samting we yu talem,Be yu stap gohed yet blong mekem olgeta nogud samting we yu naf blong mekem.”+
6 Long ol dei blong King Josaea,+ Jehova i talem long mi se: “‘?Yu yu luk samting we woman ya Isrel we i no holemstrong long mi, i mekem bifo? Hem i bin go antap long olgeta bigfala hil mo i go aninit long olgeta tri we oli gru gud, blong mekem prostitut.+
7 Mo afta we hem i mekem ol samting ya, mi mi gohed blong talem long hem blong i kambak long mi,+ be hem i no kambak. Mo Juda i stap gohed blong lukluk sista ya blong hem we i gat tu fes.+
8 Taem mi luk samting ya, mi sanemaot Isrel wetem ful setifiket blong divos,+ from we hem i mekem adaltri.*+ Be Juda, hemia sista blong hem we i gat tu fes, i no fraet, hem tu i aot i go mekem fasin blong prostitut.+
9 Hem i luk fasin blong hem blong mekem prostitut, se i oraet nomo, mo i gohed blong mekem graon ya i doti, mo i stap mekem adaltri wetem ol ston mo ol tri.+
10 Nating se ol samting ya oli hapen, Juda, hemia sista blong hem we i gat tu fes, i no kambak long mi wetem fulhat blong hem, be i giaman nomo,’ hemia nao tok blong Jehova.”
11 Nao Jehova i talem long mi se: “Isrel ya we i no holemstrong long mi, i soemaot finis se fasin blong hem* i stret moa i bitim Juda we i gat tu fes.+
12 Yu go, yu talemaot ol tok ya long not se:+
“‘“O Isrel, yu yu lego bilif finis, yu kambak,” hemia nao tok blong Jehova.’+ ‘“Bambae mi no lukluk i kamdaon long yufala we mi kros,*+ from we mi mi holem promes blong mi oltaem,” hemia nao tok blong Jehova.’ ‘“Bambae mi no stap kros olwe.
13 Yu talemaot ol rong blong yu nomo, from we yu yu bin rebel agensem Jehova God blong yu. Yu yu gohed blong givimaot ol gudfala samting blong yu long* ol strenja,* aninit long ol tri we oli gru gud, be yufala i no save obei long voes blong mi,” hemia nao tok blong Jehova.’”
14 Jehova i talem se: “Yufala ol pikinini we yufala i lego bilif, yufala i kambak long mi, from we mi mi kam tru masta* blong yufala, mo bambae mi tekemaot yufala, yes, bambae mi tekemaot wan long wan taon, mo tu long wan famle, mo bambae mi tekem yufala i kam long Saeon.+
15 Mo bambae mi givim long yufala, ol man blong lukaot long sipsip, we oli save mekem samting folem hat blong mi,+ mo bambae oli fidim yufala wetem save mo waes.
16 Long ol dei ya, bambae yufala i kam plante mo bambae yufala i gat plante pikinini long graon ya,” hemia nao tok blong Jehova.+ “Bambae oli no moa talem se: ‘!Bokis blong kontrak blong Jehova!’ Bambae i no moa kam long tingting blong olgeta, mo bambae oli fogetem gud, mo bambae oli no misim, mo bambae oli no moa wokem bakegen.
17 Long taem ya bambae oli singaot Jerusalem se tron* blong Jehova,+ mo olgeta nesen bambae oli kam wanples blong ona long nem blong Jehova, long Jerusalem,+ mo bambae oli no moa mekem stronghed blong folem ol rabis tingting blong olgeta nomo.”
18 “Long ol dei ya, bambae oli wokbaot tugeta, olgeta long haos blong Juda bambae oli wokbaot wetem olgeta long haos blong Isrel,+ mo olgeta evriwan bambae oli aot long graon ya long not, oli kam long graon ya we mi bin givim long ol olfala blong yufala, blong oli holem i blong olgeta.+
19 Mo mi bin tingbaot se: ‘!Mi mi glad tumas we mi putum yu yu stap wetem ol boe, mo mi givim gudfala graon long yu, hemia beswan graon long medel blong ol nesen!’*+ Mo mi bin tingbaot se bambae yu singaot mi se: ‘!Papa blong mi!’ mo se bambae yufala i no save tanemraon, yufala i no moa folem mi.
20 ‘Mo i tru, olsem wan waef we i no stap tru long hasban* blong hem nao i lego hem, long sem fasin, yufala tu long haos blong Isrel, yufala i no stap tru long mi,’+ hemia nao tok blong Jehova.”
21 Mi harem wan noes i kamaot long ol hil ya we i no gat samting long hem,Hemia ol man Isrel, oli stap krae mo oli stap askem strong wan samting,From we oli mekem rod blong olgeta i paspas finis,Oli fogetem Jehova God blong olgeta finis.+
22 “Yufala ol pikinini ya we i lego bilif, yufala i kambak.
Nating we yufala i lego bilif, be bambae mi mekem yufala i kam gud bakegen.”+“!Mifala hemia! Naoia mifala i kam long yu,From we yu, O Jehova, yu God blong mifala.+
23 I tru, ol hil mo ol bigfala noes antap long ol bigfala hil, oli olsem nating nomo.+
I tru, Jehova God blong yumi i sevem Isrel.+
24 Be stat taem yumi yangfala, samting ya we i stap mekem man i sem,* i flatemgud hadwok blong ol olfala blong yumi,+Ol sipsip blong olgeta mo ol buluk blong olgeta,Mo ol boe blong olgeta mo ol gel blong olgeta.
25 I gud yumi ledaon we yumi sem tumas,Mo i gud sem we yumi kasem i kavremap gud yumi,From we yumi bin mekem sin agensem Jehova God blong yumi,+Yumi wetem ol papa blong yumi, stat taem yumi yangfala kam kasem tede,+Mo yumi no bin obei long voes blong Jehova God blong yumi.”
Ol futnot
^ PT: “Olsem wan man Arab.”
^ PT: “Fes blong yu i.”
^ NT: “sol blong hem.”
^ PT: “we fes blong mi i nogud.”
^ PT: “gohed blong folem ol rod blong.”
^ NT: “ol god blong narafala kantri.”
^ MNT: “mi kam hasban.”
^ NT: “jea blong king.”
^ PT: “blong ol ami blong ol nesen.”
^ PT: “fren.”
^ NT: “god ya we i stap mekem man i sem.”
