Josua 12:1-24
12 Hemia ol king blong ol ples we ol man Isrel oli winim, mo oli holem ol graon blong olgeta long is blong Jodan Reva, i blong olgeta. Ol graon ya oli stat long Krik Blong Anon,*+ i go antap kasem Hil Blong Hemon,+ mo ol ples blong Araba saed i go long is:+
2 King Sihon+ we i king blong ol man Amoro i stap long Hesbon, mo i rul stat long Aroere+ long saed blong Krik Blong Anon,*+ mo i stat long medel blong vali mo long haf graon blong Gilead, i go klosap long Krik* Blong Jabok long boda blong ol man Amon.
3 Mo tu hem i rul long olgeta ples long Araba i go kasem Kineret Si*+ long saed i go long is, mo i go kasem Solwota Blong Araba, Sol Si* long saed i go long is be long saed blong Betsesimot, mo i go kasem ol ples long saed blong ol hil blong Pisga long saot.+
4 Mo tu oli winim teritori blong King Og+ blong Basan we hem i wan long ol laswan Refaem,+ mo i laef long Astera mo Edrei.
5 Hem i rul long Hil Blong Hemon long Salkaha, mo long olgeta ples long Basan+ i go kasem long boda blong ol man Gesuru, mo ol man Mahaka,+ mo haf laen blong Gilead, mo i go finis long teritori blong King Sihon blong Hesbon.+
6 Moses man blong wok blong Jehova wetem ol man Isrel, oli winim olgeta.+ Biaen Moses man blong wok blong Jehova, i givim ol graon blong ol man ya i go long laen blong Ruben, laen blong Gad, mo haf traeb blong Manase.+
7 Hemia ol king blong ol ples we Josua wetem ol man Isrel oli winim olgeta long narasaed Jodan Reva long wes. Hemia ol ples stat long Balgad+ long Vali Blong Lebanon,+ i go kasem Hil Ya Halak+ we i bigwan kasem Seiri.+ Biaen Josua i seraotem ol graon ya i go long ol traeb blong Isrel blong oli tekem i blong olgeta.+
8 Ol graon ya oli stap long rijen blong ol hil, long Sefela, long Araba, long saed blong ol hil, long draeples, mo long Negeb.+ Ol graon ya oli blong ol laen blong Het, ol man Amoro,+ ol laen blong Kenan, ol man Perij, ol man Hivi, mo ol man Jebus.+
9 King blong Jeriko,+ wan. King blong Eae+ we i stap narasaed long Betel, wan.
10 King blong Jerusalem, wan. King blong Hebron,+ wan.
11 King blong Jamut, wan. King blong Lakis, wan.
12 King blong Eglon, wan. King blong Gesa,+ wan.
13 King blong Debiri,+ wan. King blong Geda, wan.
14 King blong Homa, wan. King blong Arad, wan.
15 King blong Libnaha,+ wan. King blong Adulam, wan.
16 King blong Makeda,+ wan. King blong Betel,+ wan.
17 King blong Tapua, wan. King blong Hefa, wan.
18 King blong Afek, wan. King blong Lasaron, wan.
19 King blong Madon, wan. King blong Hajoro,+ wan.
20 King blong Simron-meron, wan. King blong Aksaf, wan.
21 King blong Tahanak, wan. King blong Megido, wan.
22 King blong Kedes, wan. King blong Jokneam+ long Kamel, wan.
23 King blong Doro, long saed blong ol hil long Doro,+ wan. King blong Goeim long Gilgal, wan.
24 King blong Tijaha, wan. I gat 31 king evriwan.
Ol futnot
^ NT: “Wadi Long Anon.”
^ NT: “Wadi.”
^ Hemia Ded Si.
^ Hemia lek ya Genesaret; Si Blong Galili.
