Proveb 5:1-23
5 Boe blong mi, yu lesin long waestok blong mi.
Yu mas lesin gud* blong save fasin blong mi blong luksave samting,+
2 Olsem nao yu save lukaot gud long fasin blong yu blong tingting gudMo bambae yu protektem save taem yu toktok.+
3 Lips blong wan woman nogud,* i olsem bed blong bi we hani i stap drop aot long hem,+Mo maot blong hem i smut moa i bitim oel.+
4 Be biaen, hem i konkon olsem plant ya womwud+Mo i sap olsem naef blong faet we i sap tu saed.+
5 Leg blong hem i stap godaon long ded.
Mo ol step blong hem oli lidim man i go stret long Gref.*
6 Hem i no tingbaot rod blong laef nating.
Ol rod blong hem oli go olbaot, be hem i no save se oli go wea.
7 Taswe ol boe blong mi, yufala i lesin long miMo yufala i no tanem baksaed long ol samting we mi stap talem.
8 Yu mas stap longwe long woman olsem,Yu no mas go klosap long fored blong haos blong hem,+
9 Olsem nao, ona we yu stap kasem, bambae i no go long ol narafala,+Mo bambae yu no safa long ful laef blong yu,*+
10 Olsem nao ol strenja bambae oli no save kam karemaot ol gudfala samting* blong yu,+Mo ol samting we yu bin wok had from, bambae oli no go long haos blong wan man blong narafala kantri.
11 Sipos no, bambae yu krae long en blong laef blong yu,Taem mit mo bodi blong yu i kam nogud,+
12 Mo yu talem se: “?Man, from wanem mi no laekem nating taem oli stretem mi??From wanem mi sakemaot advaes taem oli tok long mi?
13 Mo mi no lesin long voes blong ol man we oli tijim miMo mi no lesin gud long ol tija blong mi.
14 Long medel blong ful kongregesen*Klosap nao bambae mi lus olgeta.”+
15 Yu mas dring wota long prapa hol blong wota blong yu nomoMo wota we i stap ronaot* long prapa wel blong yu nomo.+
16 ?From wanem yu wantem ol springwota blong yu oli ron olbaot aotsaed,Mo yu wantem se ol smol reva blong yu oli ron long ol pablik ples?+
17 Yu holem olgeta i blong yu nomo,Mo i no blong ol strenja we oli stap wetem yu.+
18 I gud springwota* blong yu i kasem blesing,Mo i gud yu harem gud long waef blong yu we yu mared wetem taem yu yangfala,+
19 Hem i olsem wan gudfala woman dia, wan wael nani* blong hil,+ we i naes tumas blong luk.
I gud yu letem titi blong hem i mekem yu harem gud oltaem.*I gud lav blong hem i holemtaet yu oltaem.+
20 Taswe boe blong mi, ?from wanem yu wantem letem fasin blong wan woman nogud* i holemtaet yu,O yu wantem holem titi blong woman we fasin blong hem i nogud?*+
21 From we ol fasin blong ol man oli stap long klia ples nomo long fes blong Jehova.
Hem i stap jekemgud evri rod blong hem.+
22 Man nogud, ol rong blong hem nomo oli kasem hem bakegen,Mo bambae sin blong hem we oli olsem rop, oli holemtaet hem bakegen.+
23 Bambae hem i ded, from i no gat man i stretem hem,Mo i lusum rod, from we ol krangke fasin blong hem oli bitim mak.
Ol futnot
^ PT: “Yu kam klosap, yu lesin gud.”
^ PT: “Mo bambae i no gat rabis samting i hapen long yu, long ol yia we yu laef.”
^ NT: “karemaot paoa.”
^ PT: “medel blong asembli mo kongregesen.”
^ NT: “Mo fres wota.”
^ NT: “I gud stamba blong wota.”
^ Narafala nem blong hem ibex.
^ NT: “titi blong hem i mekem yu ded long hem oltaem.”
