Ol Sam 37:1-40
-
Olgeta we oli stap trastem Jehova bambae oli win
-
Yu no mas harem nogud from ol rabis man (1)
-
“I gud yu faenem bigfala glad long Jehova” (4)
-
“Yu putum ol samting long laef blong yu long han blong Jehova” (5)
-
“Ol man we oli gat tingting daon bambae oli tekem wol ya i blong olgeta” (11)
-
Ol stret man bambae oli neva sot long kakae (25)
-
Ol stret man bambae oli laef olwe long wol (29)
-
Singsing blong Deved.
א [Aleph]
37 Yu no mas harem nogud* from ol rabis manMo yu no mas jalus long ol man we oli stap mekem samting we i no stret.+
2 Olgeta ya bambae oli drae kwiktaem olsem gras+Mo oli kam slak olsem grin gras we i jes gru.
ב [Beth]
3 Yu trastem Jehova mo mekem samting we i gud,+Yu stap long wol,* mo yu mekem samting long fasin we i stret.+
4 I gud yu faenem bigfala glad* long Jehova,Mo bambae hem i givim ol samting we hat blong yu i wantem tumas.
ג [Gimel]
5 Yu putum ol samting long laef blong yu* long han blong Jehova,+Yu dipen long hem, mo hem bambae i mekem samting long bihaf blong yu.+
6 Bambae hem i mekem stret fasin blong yu i saen olsem eli moning,Mo i mekem jastis blong yu i olsem san long medel dei.
ד [Daleth]
7 Yu mas stap kwaet long fes blong Jehova+Mo yu wet blong luk samting we bambae hem i mekem.*Yu no mas harem nogud from manWe i stap win long ol plan blong hem.+
ה [He]
8 Livim fasin blong kros, mo yu lego fasin blong kros bitim mak.+
Yu no mas harem nogud, nao yu go mekem ol fasin we i nogud.*
9 From ol man nogud bambae oli lus olgeta,+Be olgeta we oli stap putum hop blong olgeta long Jehova, bambae oli tekem wol ya i blong olgeta.+
ו [Waw]
10 I no longtaem, ol man nogud bambae oli lus.+
Bambae yu lukluk i go long ples we oli stap long hem,Be bambae oli no moa stap.+
11 Be ol man we oli gat tingting daon bambae oli tekem wol ya i blong olgeta,+Mo bambae oli glad tumas from oli gat pis we i bigwan tumas.+
ז [Zayin]
12 Man nogud i stap mekem ol plan agensem stret man,+Mo i stap kakae tut from hem.
13 Be Jehova bambae i laf long hem,From Hem i save se wan dei man ya bambae i lus.+
ח [Heth]
14 Ol man nogud oli pulumaot ol naef blong faet blong olgeta, mo oli stap fasem* ol bonara blong olgetaBlong daonem man we ol narafala oli stap spolem hem, mo puaman,Mo blong kilim olgeta we fasin blong olgeta i stret.
15 Be naef blong faet blong olgeta bambae i sperem hat blong olgeta bakegen,+Mo ol bonara blong olgeta bambae oli brobrok.
ט [Teth]
16 Smol samting we wan stret man i gat, i gud moaI winim plante samting we ol man nogud oli gat.+
17 From han blong man nogud bambae i brok,Be Jehova bambae i givhan long stret man.
י [Yod]
18 Jehova i save samting we ol man we oli no gat poen oli stap fesem,*Mo ol samting we oli kasem bambae i stap gogo i no save finis.+
19 Ol man bambae oli no mekem olgeta oli sem long taem blong disasta.
Mo long taem we kakae i sot, bambae oli gat plante kakae.
כ [Kaph]
20 Be ol man nogud bambae oli lus.+
Ol enemi blong Jehova bambae oli lus kwiktaem nomo olsem ol naes flaoa mo gras.
Bambae oli lus kwiktaem olsem smok.
ל [Lamed]
21 Man nogud i stap boroem samting long narafala man mo i no pembak,Be stret man i stap givim samting mo i stap givim long gladhat blong hem.*+
22 Olgeta we Hem i blesem olgeta, bambae oli tekem wol i blong olgeta,Be olgeta we Hem i singaot trabol i kam long olgeta, bambae oli lus olgeta.+
מ [Mem]
23 Taem Jehova i glad long fasin blong wan man,+Hem i lidim man ya* long rod we hem i wokbaot long hem.+
24 Nating se hem i save foldaon, be bambae oli no slingim hem i godaon,+From Jehova i holem han blong hem blong sapotem hem.*+
נ [Nun]
25 Bifo mi mi wan yangfala mo naoia mi mi olfala,Be mi neva luk wan stret man we God i lego hem,+No ol pikinini blong hem oli stap lukaotem kakae.*+
26 Oltaem hem i givim samting fri nomo, long ol man blong oli yusum fastaem,+Mo ol pikinini blong hem, bambae oli kasem blesing from.
ס [Samekh]
27 Yu mas tanem baksaed long samting we i nogud, mo yu mekem samting we i gud,+Nao bambae yu stap olwe.
28 From Jehova i laekem jastis,Mo bambae hem i no lego ol man blong hem we oli holemstrong.+
ע [Ayin]
Oltaem bambae hem i lukaot gud long olgeta,+Be ol laen blong ol man nogud, bambae oli lus olgeta.+
29 Ol stret man bambae oli tekem wol ya i blong olgeta,+Mo bambae oli stap long hem blong olwe.+
פ [Pe]
30 Maot blong stret man i stap talemaot waestok,*Mo tang blong hem i stap tokbaot jastis.+
31 Loa blong God blong hem, i stap long hat blong hem,+Bambae i no gat samting i blokem ol step blong yu.+
צ [Tsade]
32 Man nogud i stap wajem stret man,I stap lukaot rod blong kilim hem i ded.
33 Be Jehova bambae i no letem hem i go long han blong man nogud ya+Mo bambae oli no faenem wan rong long hem taem oli jajem hem.+
ק [Qoph]
34 Yu mas putum hop blong yu long Jehova, mo folem rod blong hem,Mo bambae hem i leftemap yu, i letem yu yu tekem wol ya i blong yu.
Taem ol man nogud oli lus,+ bambae yu yu luk samting ya.+
ר [Resh]
35 Mi luk wan rabis man we fasin blong hem i nogud olgeta,I stap kam bigwan moa olsem wan bigfala tri we i gru long stret graon blong hem.+
36 Be wantaem nomo hem i lus, i gowe.+
Mi stap lukaotem hem, be mi no save faenem hem.+
ש [Shin]
37 Yu makem gud ol man we oli no gat poen,*Mo yu lukluk ol stret man oltaem,+From long fiuja, man olsem bambae i gat pis.+
38 Be evri man we oli stap mekem sin, bambae oli lus olgeta.
Ol man nogud, bambae oli no gat fiuja.+
ת [Taw]
39 Rod blong sevem ol stret man, i kamaot long Jehova,+Hem i strong sefples blong olgeta long taem blong trabol.+
40 Jehova bambae i halpem olgeta mo i tekemaot olgeta long trabol.+
Bambae hem i tekemaot olgeta long ol man nogud mo i sevem olgeta,From we oli go long hem blong haed.+
Ol futnot
^ NT: “soemaot se yu kros.”
^ NT: “graon.”
^ NT: “faenem glad we i bigwan tumas.”
^ PT: “Yu pasem ol samting long laef blong yu i go.”
^ NT: “wet long hem, we yu gat longfala tingting.”
^ MNT: “Yu no mas harem nogud, from we hemia bambae i lidim yu i go long trabol nomo.”
^ NT: “benem.”
^ PT: “save ol dei blong ol man we oli no gat poen.”
^ NT: “stap soemaot se i kaen.”
^ NT: “mekem man ya i stanap strong.”
^ NT: “i sapotem hem wetem han blong Hem.”
^ PT: “bred.”
^ NT: “Ol stret man oli stap tokbaot waes long smol voes.”
^ NT: “man we i tok tru oltaem.”
