Ol Sam 95:1-11
95 !Yufala i kam, i gud yumi glad, yumi singsingaot long Jehova!I gud yumi singsingaot olsem man we i win, yumi presem Bigfala Ston we i sevia blong yumi.+
2 I gud yumi kam long fes blong hem, yumi talem tangkiu long hem.+
I gud yumi singsing mo yumi singsingaot long hem olsem man we i win.
3 From Jehova i wan God we i hae olgeta,Wan King we i hae moa long ol narafala god.+
4 Ol ples long wol we oli daon olgeta, oli stap long han blong hem.
Mo ol top blong bigfala hil, oli blong hem.+
5 Solwota we hem i mekem, i blong hem,+Mo han blong hem i mekem drae graon.+
6 Yufala i kam, i gud yumi wosipim hem mo yumi bodaon long hem.
I gud yumi nildaon long fored blong Jehova, Man We i Mekem yumi.+
7 From hem i God blong yumi,Mo yumi ol man long yad blong hem,Yumi olsem ol sipsip we hem i stap lukaot long olgeta.*+
Tede, sipos yufala i lesin long voes blong hem,+
8 Yufala i no mas mekem hat blong yufala i strong olsem long Meriba,* bifo+Olsem long dei blong Masaha* long draeples,+
9 Taem ol olfala blong yufala oli traem mi.+
Oli traem mi nating se oli luk finis ol samting we mi mekem.+
10 Blong 40 yia, mi mi no glad nating long jeneresen ya, nao mi talem se:“Ol man ya, oltaem hat blong olgeta i gowe long mi.
Oli no save ol rod blong mi.”
11 Taswe mi mi kros tumas nao mi mekem strong promes ya se:“Bambae oli no kasem spel blong mi.”+
