WELKAM Ol man blong welkam oli stap blong givhan long yu. Plis yu folem ol tok blong olgeta long saed blong ples blong putum trak, fasin blong blokem ol jea, mo taem oli kliarem ples we ol man oli fasfas long hem, wetem ol narafala samting olsem.

BAPTAES Bifo we tok blong baptaes i stat long Sarede moning, olgeta we bambae oli baptaes oli mas sidaon long ol jea long fored blong stej, we ol brata blong welkam oli blokem rere finis blong olgeta. Oli mas karem prapa tawel blong olgeta mo klos blong swim we i stret. Sipos plan i defren, bambae oli talemaot fastaem, mo ol brata blong welkam wetem Ofis Blong Asembli bambae oli save long samting ya.

PRESEN MANE I nidim plante mane blong mekem asembli i rongud, nao yumi save glad blong stap long asembli ya mo blong yumi kam klosap long Jehova. Ol presen mane blong yufala i givhan blong pem ol samting blong asembli mo blong sapotem wok blong Kingdom long fulwol. Taswe, i gat ol bokis olbaot long ples blong asembli, we oli makem se oli blong presen mane. Yu save givim presen mane tu tru long intenet, taem yu go long donate.dan124.com. Ol presen mane we yufala i givim i givhan bigwan. Hed Kampani i wantem talem tangkiu tumas from gudfala fasin blong yufala blong givim presen mane blong sapotem wok blong Kingdom.

DOKTA Plis yufala i tingbaot se hemia i blong olgeta we oli gat aksiden o oli sik long asembli nomo.

OL SAMTING WE I LUS MO OL SAMTING WE MAN I FAENEM Sipos yu faenem wan samting we i no blong yu, yu mas karem i go long Dipatmen Blong Ol samting We i lus Mo Ol Samting We Man i Faenem. Sipos yu lusum wan samting, yu save kam long ples ya tu. Sipos wan pikinini i lusum papa mo mama blong hem, man we i faenem hem i save tekem hem i kam long ofis ya. Be blong no mekem hadwok long evriwan, plis yufala i lukaotgud long ol pikinini blong yufala, mo meksua se oli stap wetem yufala.

OL JEA Plis yu mas tingbaot ol narafala. Yu save blokem ol jea blong olgeta nomo we oli slip long haos blong yu, olgeta we oli kam long trak blong yu, mo olgeta we oli stadi Baebol wetem yu. Plis yu no putum ol samting oli stap long ol narafala jea raonabaot long yu. Olsem nao, ol narafala oli save sidaon long olgeta.

WOK LONG ASEMBLI Sipos yu wantem wok long asembli ya, plis yu toktok wetem ol brata we oli lukaot long Ol Wok Long Asembli Ya.