LESEN 17
?Jisas i Wanem Kaen Man?
Sipos yumi save ol samting we Jisas i talem mo i mekem long wol, bambae yumi luk ol gudfala fasin blong hem, nao bambae yumi wantem kam klosap long hem mo Papa blong hem, Jehova. ?Wanem sam long ol gudfala fasin ya? ?Mo olsem wanem yumi save folem fasin blong Jisas?
1. ?Wanem i soem se Jisas i olsem Papa blong hem?
Long ol bilian yia we Jisas i bin stap long heven, hem i wajem mo lanem plante samting long gudfala Papa blong hem. From samting ya, tingting, filing, mo aksen blong Jisas i olsem blong Jehova. (Ridim Jon 5:19.) Blong talem stret, hem i tekem gud evri fasin blong Papa blong hem, taswe hem i talem se: “Man we i luk mi, hem i luk Papa tu.” (Jon 14:9) Taem yu save ol fasin blong Jisas, bambae yu savegud Jehova. Eksampol, fasin blong Jisas blong kea long ol man, i soemaot se Jehova tu i kea long yu.
2. ?Olsem wanem Jisas i soem se hem i lavem Jehova?
Jisas i talem se: “Blong mekem ol man long wol oli save se mi mi lavem Papa, mi mas mekem ol samting we Papa i talem long mi blong mi mekem.” (Jon 14:31) Taem Jisas i stap long wol, hem i obei long papa blong hem, nating se samtaem i had blong hem i mekem olsem. Mo tu, hem i laekem blong tokbaot Papa blong hem, mo halpem ol narafala blong fren wetem Hem.—Jon 14:23.
3. ?Olsem wanem Jisas i soem se hem i lavem ol man?
Baebol i talem se Jisas i “glad moa long ol man.” (Ol Proveb 8:31, futnot) Hem i soem lav ya, taem hem i halpem ol narafala mo i tingbaot olgeta fastaem. Ol merikel we hem i mekem oli no soemaot nomo paoa blong hem, be oli soem tu se hem i gat lav mo sore. (Mak 1:40-42) Hem i kaen long ol man mo i mekem i sem mak nomo long evriwan. Ol tok blong hem oli mekem ol gudfala man oli haremgud mo i givim hop long olgeta. Jisas i rere blong safa mo ded, from we hem i lavem olgeta man. Be hem i lavem moa olgeta we oli obei long ol tijing blong hem.—Ridim Jon 15:13, 14.
DIGIM MOA
Save moa long ol fasin blong Jisas, mo luk olsem wanem yu save soem lav mo glad blong givim samting olsem we hem i mekem.
4. Jisas i lavem Papa blong hem
Eksampol blong Jisas i tijim yumi wei blong lavem God. Ridim Luk 6:12 mo Jon 15:10; 17:26. Afta we yu ridim ol vas ya, tokbaot kwestin ya:
-
?Olsem wanem yumi save folem eksampol blong Jisas blong lavem Jehova?
Jisas i lavem Papa blong hem mo oltaem hem i prea blong toktok wetem hem
5. Jisas i tingbaot nid blong ol man
Jisas i tingbaot nid blong ol narafala fastaem, i bitim nid blong hem. Nating se hem i taet, be hem i yusum taem mo paoa blong hem blong halpem narafala. Ridim Mak 6:30-44, mo tokbaot ol kwestin ya:
-
Long stori ya, ?olsem wanem Jisas i soem se hem i tingbaot ol narafala?—Luk vas 31, 34, 41, mo 42.
-
?Wanem i pulum Jisas blong i wantem halpem ol narafala?—Luk vas 34.
-
?Ol fasin we Jisas i mekem, oli soemaot wanem fasin blong Jehova?
-
?Olsem wanem yumi save folem eksampol blong Jisas blong tingbaot ol narafala?
6. Jisas i glad blong givim samting
Jisas i glad blong givim samting nating se hem i no rij, mo hem i enkarejem yumi blong glad blong givim samting. Ridim Ol Wok 20:35, mo tokbaot kwestin ya:
-
Folem toktok blong Jisas, ?wanem i save mekem yumi glad?
Plei VIDEO, mo tokbaot ol kwestin ya.
-
Sipos yu no rij, ?wanem sam samting we yu save givim?
?Yu yu save?
Baebol i tijim yumi blong prea long Jehova tru long nem blong Jisas. (Ridim Jon 16:23, 24.) Taem yumi prea olsem, yumi soem se yumi luksave samting we Jisas i mekem blong yumi kam fren blong Jehova.
SAM MAN OLI SE: “God i no kea long yumi.”
-
From we Jisas i tekem fasin blong Papa blong hem, ?olsem wanem Jisas i soem se Jehova i kea long yumi?
SAMARI
Jisas i lavem Jehova mo i lavem ol man. Hem i olsem Papa blong hem, taswe, moa we yu save Jisas, moa we bambae yu save Jehova.
Tingtingbak
-
?Olsem wanem blong lavem Jehova olsem we Jisas i mekem?
-
?Olsem wanem blong lavem ol man olsem we Jisas i mekem?
-
?Wanem fasin blong Jisas we yu laekem moa?
FAENEMAOT
Makem sam fasin blong Jisas we yumi save folem.
“To Imitate Jesus, Be . . .” (Jesus—The Way, the Truth, the Life, pej 317)
Faenemaot from wanem yumi mas prea tru long nem blong Jisas.
?Baebol i tokbaot se fes mo bodi blong Jisas i olsem wanem?
?Yumi lanem wanem long ol fasin we Jisas i mekem long ol woman?
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
