Ol gudfala fren oli mekem yumi glad moa long ol gud taem, mo long taem blong ol trabol oli mekem yumi kam strong. Be Baebol i givim woning se i no evri fren we oli ol gudfala fren. ?So olsem wanem yu save jusum gud ol fren blong yu? Makem ol kwestin ya.

1. ?Ol fren we yu jusum oli save afektem yu olsem wanem?

Sipos yu spenem plante taem wetem wan man, nating se yu stap wetem hem o yutufala i toktok tru long intenet, be hemia i save mekem se fasin mo tingting blong yu i kam olsem blong hem. Baebol i talem se, “man we i stap wokbaot wetem man we i waes, bambae hem i kam waes, be man we i stap joen wetem man we i stupid [olgeta we oli no lavem Jehova] bambae hem i kasem trabol nomo.” (Ol Proveb 13:20) Ol fren we oli lavem mo oli wosipim Jehova, bambae oli halpem yu blong stap klosap long Jehova mo mekem ol gudfala desisen. Be ol fren we oli no lavem Jehova, oli save pulum yumi i gowe long Jehova. From samting ya, Baebol i enkarejem yumi blong jusum gud ol fren blong yumi. Taem yumi gat ol fren we oli lavem God, hemia bambae i givhan long yumi mo long olgeta tu. Nao bambae yumi save “gohed blong leftemap tingting blong [yumi].”—1 Tesalonaeka 5:11.

2. ?Jehova bambae i harem olsem wanem long ol fren we yu jusum?

Jehova i jusum gud ol fren blong hem. “Hem i fren gud wetem ol man we oli gat stret fasin.” (Ol Proveb 3:32) ?Jehova bambae i harem olsem wanem sipos yumi jusum ol fren we oli no lavem hem? !Bambae hem i no glad! (Ridim Jemes 4:4.) Be sipos yumi kam klosap long Jehova mo long olgeta we oli lavem hem, bambae hem i glad mo i jusum yumi blong kam ol fren blong hem.—Ol Sam 15:1-4.

 DIGIM MOA

4. Yumi save gat ol gudfala fren we oli defren long yumi

Baebol i tokbaot tu man long Isrel bifo, hemia Deved mo Jonatan. Nating se yia mo situesen blong tufala i defren, be tufala i frengud. Ridim 1 Samuel 18:1, mo tokbaot kwestin ya:

• ?Ol fren blong yumi oli mas gat sem yia, kamaot long sem aelan, o gat sem samting olsem yumi?

Ridim Rom 1:11, 12, mo tokbaot kwestin ya:

• ?Olsem wanem ol fren we oli lavem Jehova oli save givgivhan long olgeta?

Long video ya, luk olsem wanem wan yangfala brata i faenem ol fren long ples we hem i no ekspektem. Plei VIDEO, mo tokbaot ol kwestin ya.

• Long video ya, ?from wanem ol perens blong Akil oli wari long ol fren we hem i gat long skul?

• ?From wanem long stat, Akil i glad nomo blong joen wetem olgeta?

• ?Olsem wanem hem i no moa harem se hem i stap hem wan?

 5. ?Olsem wanem blong gat ol gudfala fren?

 SAMARI

Taem yumi jusum gud ol fren blong yumi, bambae yumi mekem Jehova i glad mo hemia i givhan long yumi.

Tingtingbak

• ?From wanem Jehova i wantem se yumi jusum gud ol fren blong yumi?

• ?Yumi no mas fren wetem wanem kaen man?

• ?Olsem wanem yu save holemtaet frensip we yu gat wetem ol gudfala fren?