Tingbaot from wanem yu mekem tok ya. Tingbaot sipos tok blong yu i blong givim save, o pulum ol man blong oli bilif, o pulum olgeta blong oli wok. Meksua se ol bigfala poen oli givhan long yu blong kasem mak ya.

Makem gud taetel blong tok. Taem yu gohed long tok blong yu, talem bakegen ol impoten wod long taetel o yusum ol wod we oli gat sem mining.

Mekem ol bigfala poen i klia mo isi blong kasem save. Jusum nomo ol bigfala poen we oli stret long taetel blong tok, mo we yu gat taem blong tokbaot. Yu no jusum plante tumas. Talem klia wan bigfala poen, spel smol bifo we yu go long nekiswan, mo joenem gud.