HAF 1
?Yumi Mekem Olsem Wanem Blong Lesin Long God?
God i yusum Baebol blong toktok long yumi. 2 Timoti 3:16
God ya we i tru, i lidim ol man blong oli raetemdaon ol tingting blong hem long wan tabu buk. Buk ya hem i Baebol. Long Baebol i gat ol tok we God i wantem yu blong save.
God i save wanem bambae i mekem i gud long yumi, mo hem i stamba blong olgeta waestok. Taem yu lesin long hem, bambae yu tu yu kam waes. —Ol Proveb 1:5.
God i wantem we olgeta man long wol oli ridim Baebol. Naoia Baebol i stap long plante lanwis.
Sipos yu yu wantem lesin long God, yu mas ridim Baebol mo kasem save long hem.
Plante man long olgeta ples long wol oli stap lesin long God. Matiu 28:19
Ol Witnes blong Jehova oli save givhan long yu blong yu kasem ol save we i stap long Baebol.
Long olgeta ples long wol, oli stap tijim ol man long trutok long saed blong God.
Yu no pem olgeta blong kasem tijing ya. Mo yu save go long Haos Kingdom blong ol Witnes blong Jehova we i stap long ples blong yu, blong lanem moa long saed blong God.
Maet Yu Laekem Hemia Tu
ESSENTIAL BIBLE TEACHINGS
?From Wanem Yumi Bilif Se Baebol i Kamaot Long God?
Sipos Baebol i kamaot long God, i mas defren long evri buk.
ESSENTIAL BIBLE TEACHINGS
?Baebol i Kamaot Long Hu?
Sipos ol man oli raetem, ?yumi save talem se hem i Tok blong God? ?Ol tingting blong hu i stap long Baebol?
MIFALA
?Oli Mekem Baebol Stadi Olsem Wanem?
Long olgeta ples long wol, ol man oli savegud ol Witnes blong Jehova from oli stap mekem ol Baebol stadi we i fri nomo. Traem luk olsem wanem oli mekem.
OL BUK & BUKLET
?Wanem Tingting Blong Yu Long Baebol?
?Baebol i wan buk blong waes blong man, no hem i tok blong God?
