Taem Jisas i stap long wol, hem i soemaot bigfala lav long ol man, speseli long olgeta we oli pua mo oli harem nogud. (Matiu 9:36) Hem i soemaot bigfala lav ya, taem hem i rere blong givim laef blong hem blong sevem ol man. (Matiu 20:28; Jon 15:13) I no longtaem, bambae hem i mekem wan narafala samting blong soemaot se hem i lavem ol man. Bambae hem i yusum paoa blong hem olsem King long Kingdom blong God, blong mekem se long fulwol i no moa gat man we i pua.

 Baebol i tokbaot ol gudfala samting we Jisas bambae i mekem:

•   “I gud hem i difendem olgeta we oli no gat nem, . . . i gud hem i sevem ol boe blong ol puaman.”—Ol Sam 72:4.

 ?Yumi save mekem wanem blong soemaot se yumi tinghae long ol samting we Jisas i mekem finis, mo we bambae hem i mekem long fiuja? Long Luk 22:19, Jisas i talem long ol man blong hem se oli mas tingbaot ded blong hem. Taswe ol Witnes blong Jehova oli joen wanples evri yia, long dei ya we Jisas i ded long hem, blong tingbaot samting we hem i mekem. Mifala i invaetem yu blong joen wetem mifala long Memoriol blong tingbaot ded blong Jisas long Sande 24 Maj 2024.

Faenem Wan Ples Blong Memoriol