Bubu Man Blong Hem i Jes Ded

● Wan man i raet i kam long branj ofis blong ol Witnes blong Jehova long Meksiko, hem i se: “Mi mi no wan Witnes blong Jehova, be mi laekem tumas blong ridim ol magasin blong yufala. Long wan long ol magasin ya, mi luk we yufala i tokbaot smol buk ya Taem Wan We Yu Laekem Hem Tumas i Ded. Buk ya i pulum tingting blong mi from we bubu man blong mi i jes ded. Mi wantem se yufala i sanem eit smol buk olsem long mi. Bambae mi givim long ol famle blong mi blong givhan long olgeta.”

Taem wan fren no famle blong yu i ded, maet yu yu wantem save se: ‘?Mi mi save gohed blong laef we mi stap harem nogud olsem? ?Wanem fiuja blong ol man we oli ded?’ Ansa blong ol kwestin ya i stap long smol buk ya Taem Wan We Yu Laekem Hem Tumas i Ded. Smol buk ya i yusum ol tok blong Baebol blong soemaot se ded i olsem wanem, mo wanem i hapen long man we i ded. Mo tu, hem i tokbaot promes blong God, se bambae hem i yusum Jisas Kraes blong mekem ol man we oli ded oli laef bakegen long wol ya taem i kam wan paradaes.

Sipos yu yu wantem smol buk ya, yu save fulumap pepa ya daon mo sanem i go long wan adres long pej 5 we i stret long ples blong yu.

□ Plis sanem buk ya long mi.

□ Plis mi mi wantem se wan man i kam luk mi blong mekem Baebol stadi wetem mi we mi no pem.