SAM MAN OLI BILIF se man nomo i stanemap ol skul. Sam narafala oli talem se God i yusum ol skul, blong ol man oli kam klosap long hem. ?Wanem tingting blong yu?

SAMTING WE BAEBOL I TALEM

I gat wan “prapa fasin blong ona long [God] we hem i luk se i klin gud mo i stret gud.” (Jemes 1:27) Skul we i klin gud, hem i kamaot long God.

NARAFALA SAMTING WE YUMI LANEM LONG BAEBOL

• Ol tijing blong wan skul i mas stanap long trutok blong Baebol, nao God i save glad long hem.​—Jon 4:23, 24.

• Ol skul we oli stanap long tingting blong man nomo, oli blong nating nomo.​—Mak 7:7, 8.

?WANEM TINGTING BLONG YU?

• Yes

• No

• Mi no save

SAMTING WE BAEBOL I TALEM

“I gud yumi stap tingbaot yumi, blong yumi givgivhan long yumi blong mekem yumi strong blong lavem ol man, mo blong mekem ol gudfala fasin. I nogud yumi lego ol miting.” (Hibrus 10:24, 25) God i wantem se ol man we oli wosipim hem, oli joen wanples olsem wan grup we i gat oda long hem.

NARAFALA SAMTING WE YUMI LANEM LONG BAEBOL

• Olgeta we oli joen wanples blong wosipim God, oli mas joen gud long wan bilif nomo.​—1 Korin 1:10, 11.

• Olgeta we oli stap long skul we God i glad long hem, oli mekemap wan bigfala famle blong ol brata we i stap long fulwol.​—1 Pita 2:17.