Save We i Pulum Yumi i Kam Long God
Krieta blong yumi hem i no jes wan paoa. Hem i gat ol gudfala fasin. Mo hem i wantem se yumi save hem mo kam fren blong hem. (Jon 17:3; Jemes 4:8) Taswe hem i talemaot long yumi, plante samting long saed blong hem.
Krieta Blong Yumi i Gat Wan Nem
“I gud olgeta man oli save se yu, we nem blong yu Jehova, yu nomo yu Hae God long fulwol.” —OL SAM 83:18.
Baebol i tijim se Jehova nomo i trufala God. Hem i krietem yunives mo olgeta laef samting. I stret we yumi wosipim hem nomo.—Revelesen 4:11.
Jehova i Wan God We i Gat Lav
“God hem i lav.”—1 JON 4:8.
Jehova i soemaot plante gudfala fasin blong hem tru long Baebol mo tru long ol samting we oli stap raonabaot long yumi. Lav nao i stamba fasin blong hem, so evri samting we hem i mekem i stanap long lav. Taem yumi save Jehova moa, bambae yumi lavem hem moa.
Jehova i God Blong Fogivim Man
“Yu yu wan God we yu rere blong fogivim man.”—NEHEMAEA 9:17.
Jehova i save we yumi no stretgud olgeta. Taswe, hem i “rere blong fogivim” yumi. Taem yumi talem sori long hem, mo yumi traehad blong no moa mekem ol rabis samting, bambae hem i fogivim yumi mo i no panisim yumi from ol sin ya.—Ol Sam 103:12, 13.
Jehova i Wantem Se Yumi Prea Long Hem
“Jehova i stap klosap long olgeta we oli stap singaot i go long hem . . . Hem i harem we oli krae from help.”—OL SAM 145:18, 19.
Jehova i no nidim sam spesel seremoni o sam samting blong yusum long wosip blong hem. Hem i stap lesin long prea blong yumi, olsem ol perens we oli lesin long ol pikinini blong olgeta we oli lavem tumas.
Maet Yu Laekem Hemia Tu
ANSA WE BAEBOL I GIVIM
?I Tru Se God i Wan Paoa Nomo?
Baebol i talem se God i wokem olgeta samting, ?be i tru se hem i kea long yumi?
ANSA WE BAEBOL I GIVIM
?God Bambae i Fogivim Mi?
Luk ol samting we Baebol i talem se yumi mas mekem blong God i save fogivim yumi.
