WEKAP! N. 2 2018 | 12 Rod Blong Gat Wan Hapi Famle
12 Rod Blong Gat Wan Hapi Famle
Yumi harem plante toktok long saed blong ol samting we i mekem famle i seraot. Be i moa gud yumi tokbaot ol rod blong mekem famle i hapi.
Stat long yia 1990 go kasem 2015, namba blong ol man Amerika we oli divos taem oli gat bitim 50 yia, i tu taem antap long ol yia bifo, mo namba blong ol man we oli divos taem oli gat bitim 65 yia, i tri taem antap.
Tingting blong ol papa mo mama i fasfas: Sam man we oli gat save, oli talem se i moa gud blong presem pikinini oltaem, be sam narafala oli talem se i moa gud blong mekem i strong long pikinini blong givhan long hem.
Plante yangfala oli no gat save mo gudhan we bambae oli nidim long laef blong olgeta.
Nating se i olsem . . .
Mared i save givim glad mo stap olwe.
Papa mo mama i save lanem olsem wanem blong stretem pikinini wetem lav.
Yangfala i save lanem blong gat gudhan we bambae hem i nidim long laef blong hem.
?Olsem wanem blong gat wan hapi famle olsem? Wekap! ya i tokbaot 12 rod.
1: Wokhad Blong Holem Promes
Tri gudfala advaes blong givhan long ol hasban mo waef blong oli stap glad.
2: Wok Tugeta
?Hasban o waef blong yu i olsem wan man we yu serem rum blong yu wetem hem nomo?
3: Respek
Kasem save long ol toktok mo aksen we oli impoten blong soemaot respek.
4: Fofogivim Yutufala
?Wanem i save givhan long yu blong yu fogivim hasban o waef blong yu taem hem i mestem?
5: Toktok Tugeta Oltaem
Tri impoten samting we yu save mekem blong kam klosap moa long ol pikinini blong yu.
6: Stretem Pikinini
?Taem papa mo mama i stretem pikinini, hemia i daonem hem tumas?
7: Ol Gudfala Fasin
?Wanem ol gudfala fasin we yu mas tijim long pikinini?
8: Gudfala Eksampol
Sipos yu wantem se ol pikinini oli lesin long ol toktok blong yu, yu mas mekem ol samting we yu talem.
9: ?Yu Yu Wanem Kaen Man?
?Olsem wanem ol yangfala oli save stanap strong long bilif blong olgeta?
10: Narafala i Trastem Yu
I impoten blong mekem se papa mo mama i save trastem yu, hemia i soemaot se yu stap kam bigman long tingting blong yu.
11: Wok Had
Taem yu gat fasin ya, hemia bambae i givhan long yu long fiuja.
12: Ol Mak We Yu Wantem Kasem
Taem yu kasem wan mak, tingting blong yu i kam strong moa, yu joen gud moa wetem ol fren blong yu, mo yu glad moa.
