Vbene A ya Mwamwa Avbe Osẹe Jehova Hẹ
Iruẹmwi 14
Vbene A ya Mwamwa Avbe Osẹe Jehova Hẹ
De ẹghẹ ne avbe Osẹe Jehova ya suẹn omuhẹn ọghe iran vbe orre-na? (1)
Vbe a ya do avbe iko Osẹe Jehova hẹ? (2)
Vbe ya gbaro ghe evba loo igho yi hẹ? (3)
Gha re nọ su vbe dọmwadẹ iko? (4)
De avbe iko nọkhua ne a do ukpukpo? (5)
De iwinna ne a ru vbe igiogbẹ ọghe iran kevbe abọ otu ni rrọ? (6)
1. Avbe Osẹe Jehova suẹn omuhẹn ọghe iran vbe orre-na vbuwe avbe 1870. Vbe okaro, a ke gha tie iran Eniruẹ Baibol. Sokpan vbe 1931 iran na do kueyọ enni nọ gu Evbagbẹn Nọhuanrẹn ro nọ re avbe Osẹe Jehova. (Aizaia 43:10) Ke omuhẹn ne kherhe kpaọ ne otu ke do vẹwa do gha re ẹbo emwa ọghe avbe Osẹe, ni wa winna iwinna ikporhu vbe otọe nọ gberra 230.
2. Most congregations of Jehovah’s Witnesses have meetings three timNọbunsẹ vbe avbe iko ọghe avbe Osẹe Jehova mwẹ iko na do igba eha vbe dọmwadẹ izọla. A tie ruẹ ne u gha die enọrhirhi gha khin vbọ. (Hibru 10:24, 25) E Baibol ọre ẹyotọ evba ya mamwaemwi vbọ. Erhunmwu ọre a ya kie avbe iko kevbe ẹre a vbe ya khui ẹre. “Ihuan ugie” nọ mu ẹkokoudu ọre a so vbe nọbunsẹ vbe avbe iko. (Ẹfisọs 5:18, 19) Ai zẹ igho ya la rọ, kevbe aimiẹn igho ọkpan vbọ.—Matiu 10:8.
3. Avbe iko nọbunsẹ ọre ọdo iko vbe Ọgua Arriọba. Ena keghi re vbe nọ keyi, owa kereghede ne avbe Osẹe ye ekhọe kekhọe bọ. Uwẹ i miẹn avbe amazẹ vbọ, avbe ugbugbe, ra ukhọmwẹ emwi vbenian vbe Ọgua Arriọba. Avbe igho na loo vbọ keghi re na rhie ladian vbe ekhọe kekhọe. Nọ ne enii nọ ho nọ rhie emwi ladian, ẹkpẹti okozẹ rrọ na rhie emwi yi.—2 Kọrinti 9:7.
4. Vbuwe dọmwadẹ iko, ediọn rrọ, ra enigbaro ghe. Iran ọre ọ mu asa nikaro ya ma emwa emwi vbe uwu iko. (1 Timoti 3:1-7; 5:17) Iran keghi re ne eguọmwadia iwinna ru iyobọ na. (1 Timoti 3:8-10, 12, 13) Avbe ikpia na i re na tọnmu sẹ enikẹre vbe uwu iko. (2 Kọrinti 1:24) Iran i re na mu iwaẹnni nọhiunsi na. (Matiu 23:8-10) Iran i muegbe nọ lughaẹn ne emwa ọvbehe. Amaghiwẹ te a ghi hae osa ye iwinna iran. Ekhọe ahonaru ọre ediọn ya gbaroghe emwi orhiọn ne iko gualọ. Iran sẹtin mu ọmwa ekhọe sotọ kevbe ru igiodẹ vbe a gha rre ọlọghọmwa.—Jems 5:14-16; 1 Pita 5:2, 3.
5. Avbe Osẹe Jehova vbe do asikoko ra asiegbekoko nọkhua vbe ukpukpo. Vbuwe avbe ẹghẹ na iko nọbun ghi siegbe koko rhunmwuda emwamwa kpataki ọghe imamwaemwi ọghe Baibol. Idinmwiamẹ ọghe ekpọmwa ọgbọn keghi re obọ ọkpa na ru ẹghẹ hia vbe dọmwadẹ emwamwa asikoko ra asiegbekoko.—Matiu 3:13-17; 28:19, 20.
6. Ne igiogbẹ ọghe avbe Osẹe Jehova ọghe uhun otagbọn keghi rre New York. Evba nii ọre Ẹbu Nọsu ye, adesẹ otu ọghe ediọn ni mwẹ irẹnmwi ni gbaro ghe iko ni gbae uhun otagbọn. Ọ vbe gberra abọ otu 100 nọ rrọ vbe olẹga ọghe agbọn na. Vbe dọmwadẹ ehe na, avbe emwa ni mwẹ ahonaru keghi ru iyobọ yọ na ya gbẹnnẹ kevbe na ghae ebe ni mwẹ enni ọghe Baibol. A vbe rhie adia ye emwamwa ọghe iwinna ikporhu. Vbọzẹ ne uwẹ i khian na ru emwamwa ne u mu otuẹ ye abọ otu nọsikẹ ruẹ sẹ?
