Igiemwi nọ rre Baibol nọ gha sẹtin ru iyobọ nuẹn:

• Asan 12:​1-8​—Vbe ekharha ọkpa ne Ọba e Sọlomọn tae, ọ keghi gie emwi ughughan nọ lele ọmaẹn khian, ọ na wẹẹ, iran i ghi bẹghe ẹse (“aro ruẹ ghi khian enọ ghi ghee emwi vbirhivbirhi”) kevbe wẹẹ, iran i ghi mobọ họn ẹmwẹ otọ (“ekherhe kherhe ẹre u ghi ya họn . . . vbe emwa ghaa kpee ema iku”)

Igiemwi ni rre Baibol ni gha sẹtin ru iyobọ nuẹn:

• 1 Sam 12:​2, 23​—Agharhemiẹn wẹẹ, e Samuẹl ne akhasẹ khian ọmaẹn nẹ, ọ na ye gha na erhunmwu ne emwa ọghe Jehova, rhunmwuda, ọ rẹnrẹn wẹẹ, emwi nọ khẹke ne irẹn gha ru nọ

• 2 Sam 19:​31-39​—Ọba e Devid keghi gbọyẹmwẹ ye ekhọe hia ne Bazilai ya gha ga irẹn, agharhemiẹn wẹẹ, e Bazilai khian ọmaẹn nẹ; vbe ẹghẹ ne Devid ghi ya mu iwinna ọvbehe nẹẹn, ọ na mu egbe rriotọ, ọ na gi e Devid rẹn wẹẹ, ẹtin irẹn i khian sẹ ọre

• Psm 71:​9, 18​—E Devid ghi khian ọmaẹn nẹ, ọ kegha roro ẹre wẹẹ, irẹn i ghi mwẹ esa ne irẹn ye ne Jehova, ọ na ghi rinmwiaẹn nẹ ghẹ yangbe irẹn, ọ na we nọ rhie ẹtin ne irẹn, ne irẹn sẹtin ma orre nọ dee emwi vbekpa ẹre

• Luk 2:​36-38​—E Jehova keghi fiangbe Ana ne akhasẹ, rhunmwuda nọ na rhiegba ye ugamwẹ ọghe irẹn, agharhemiẹn wẹẹ, okhuo nọ dẹgbẹe nọ kevbe wẹẹ, ọ vbe khian ọmaẹn nẹ

Igiemwi ni rre Baibol ni gha sẹtin ru iyobọ nuẹn:

• Gẹn 12:​1-4​—Vbe ẹghẹ ne Ebraham na gha rre ukpo 75, e Jehova keghi tama rẹn nọ ru emwi eso nọ ghi fi ẹdagbọn rẹn werriẹ

• Dan 10:​11, 19; 12:13​—Odibosa ọkpa keghi rhiegbe ma e Daniẹl ne akhasẹ, ọ na gi ẹre rẹn wẹẹ, ọmwa nọ hin usi nọ vbe aro e Jehova, ọ na vbe tama rẹn wẹẹ, e Jehova gha fiangbe ẹre ye imudiase ọghẹe; vbe ẹghẹ na kha na, e Daniẹl sẹ ukpo 90 nẹ

• Luk 1:​5-13​—E Jehova keghi fiangbe Zẹkaraia kevbe Ẹlizabẹt, ọ na rhie ọmọ ne iran biẹ vbe egbe ọmaẹn; ọmọ nii ẹre iran ghaa tie ẹre Jọn. Emwi ọyunnuan ẹre ọna wa gha khin

• Luk 2:​25-35​—E Jehova keghi kie ẹkpotọ ne Simiọn nọ khian enọwanrẹn nẹ, nọ ya miẹn ọmọ nọ khian gha re Mezaia; e Simiọn keghi ta ẹmwẹ eso yotọ nọ gha sẹ vbe egbe ọmọ nii

• Iwinna 7:​23, 30-36​—Ukpo 80 ẹre Mozis ne akhasẹ ghaa ye vbe Jehova we nọ suẹn gha su emwa rẹn khian

Igiemwi ni rre Baibol ni gha sẹtin ru iyobọ nuẹn:

• Gẹn 45:​9-11; 47:12​—E Josẹf keghi tama etiọnrẹn ne iran mu erha irẹn nọ khian ọmaẹn nẹ rre; e Josẹf na gha gbaroghe ẹre ya sẹ ẹdẹ uwu

• Rut 1:​14-17; 2:​2, 17, 18, 23​—E Rut keghi ru iyobọ nọ khẹke ne Naomi nọ khian enọwanrẹn nẹ, erriọ ẹre ọ vbe ya gha ta ẹmwẹ nọ rhie igiọdu nẹẹn

• Jọn 19:​26, 27​—A te miẹn wẹẹ e Jesu wu vbe uhunmwu erhan irrioya, ọ na we ne ukọ e Jọn gha gbaroghe iye irẹn