ABỌ 12
De Emwi Nọ Khian Ya Ẹgbẹe Ruẹ Gha Mwẹ Oghọghọ?
Ahoẹmwọmwa ẹre ọ khian ya ẹgbẹe gha mwẹ oghọghọ. Ẹfisọs 5:33
Emwamwa ọghe Osanobua ọre ne okpia gha rhie okhuo ọkpa, ne okhuo vbe gha rọnmwẹ ọdọ ọkpa.
Ọdọ nọ mwẹ ahoẹmwọmwa keghi mu ọvbokhan rẹn tẹtẹtẹ, ọ vbe hia ne ọ rẹn otọ emwi ne ọvbokhan rẹn la gberra.
Ọ khẹke ne okhuo gha ku obọ gbe ba ọdafẹn ọnrẹn.
Ọ khẹke ne emọ gha họn ẹmwẹ ne evbibiẹ iran.
Gha mwẹ ekhọe esi, ne u vbe gha re ọmwa na gba ẹko ẹre; ghẹ gha re ọmwa nọ mwẹ ekhọe atosi ra ne aro ọre rre orere. Kọlose 3:5, 8-10
E Baibol khare wẹẹ, te ọ khẹke ne ọdọ hoẹmwẹ ọvbokhan rẹn vbene ọ hoẹmwẹ egbe ẹre; ọ vbe kha wẹẹ, te ọ khẹke ne okhuo gha rhie ọghọ nọ sẹ otọ ẹko ne ọdọ re.
Ọ ma khẹke ne okpia vbe okhuo nọ ma rọnmwẹ egbe gha ru emwi ọdọ vbe amwẹ. Ọ ma khẹke ne okpia gha rhie gberra okhuo ọkpa, ọ ma vbe khẹke ne okhuo gha rọnmwẹ ọdọ nọ gberra ọkpa.
Evbagbẹn Nọhuanrẹn keghi ta emwi ne ẹgbẹe gha ru, ne iran mieke na gha mwẹ oghọghọ.
You May Also Like
AVBE EBE ẸMU KEVBE EBE UGHUGHAN
De Emwi Nọ Khian Ye Ẹgbẹe Gha Mwẹ Oghọghọ?
Emwa eso keghi roro wẹẹ, igho ẹre ọ khian ye ẹgbẹe iran gha mwẹ oghọghọ, ọni ẹre ọ gele re emwi nọ khian ye ẹgbẹe gha mwẹ oghọghọ ra?
