UYINMWẸ ỌGHE IMA NE IVBIOTU E KRISTI
Evbayi Keghi Ya Ima Mwẹ Ilẹkẹtin Nẹi Beghe Wẹẹ Osa Nọ Mwẹ Ẹwaẹn Ẹre Jehova Khin
Vbe nai na gbawawẹ, e Jehova rẹn emwi nọ maan ne ima sẹ! Ọni ẹre ọ si ẹre ne a na miẹn wẹẹ, deghẹ ima na gha lele adia ọghẹe, ọ rhie ma wẹẹ emwa ni mwẹ ẹwaẹn ẹre ima khin. (Itan 16:3, 9) Vbọrhirhighayehẹ, deghẹ adia ọghe Jehova na lughaẹn ne emwi ne ima tobọ ima gualọ, ọ sẹtin do gha lọghọ ima na lele. Deghẹ ima na gha ru erria yan emwi ne Jehova yi, ọ gha ya ima gha mwẹ ilẹkẹtin wẹẹ, Osa nọ mwẹ ẹwaẹn ẹre Jehova gele khin.—Itan 30:24, 25; Rom 1:20.
GHEE VIDIO NỌ MWẸ UHUNMWUTA NỌ KHARE WẸẸ, TE A YI ẸRE RA? VBỌZẸ NE AVBE ẸHIHI I NA DEKUN EGBE VBE IRAN GHAA YA USUN KHIAN? IYEKE ỌNI, A GHI ZẸ EWANNIẸN YE AVBE INỌTA NA:
-
De emwi ne avbe ẹhihi nibun ru vbe ẹdẹgbegbe?
-
De emwi ne iran ru ne iran ghẹ mieke na gha dekun egbe vbe iran ghaa ya usun khian?
-
Ugbẹnvbe a miẹn wẹẹ iran i dekun egbe vbe iran ghaa rre okhian, de emwi ne emwa nagbọn gha miẹn ruẹ vbe obọ iran?
GHEE VIDIO NỌ MWẸ UHUNMWUTA NỌ KHARE WẸẸ, TE A YI ẸRE RA? VBENE OWỌN NA TIE ẸRE BUMBLEBEE YA DIA EGBE ẸRE HẸ VBE Ọ GHAA TIN, IYEKE ỌNI, A GHI ZẸ EWANNIẸN YE AVBE INỌTA NA:
-
De isievẹn ne emwa nagbọn werriẹ aro daa vbe iran ghaa gua okọ ẹhoho nekherhe khian?
-
De emwi ne owọn na tie ẹre bumblebee ru ne ẹhoho ghẹ mieke na gha muẹn yo muẹn rre vbe ọ ghaa tin khian?
-
De emwi ne emwa nagbọn gha sẹtin miẹn ruẹ deghẹ iran na gbarokotọ ghee odẹ ne bumblebee ya tin?
De emwi ne u miẹn vbe evbayi ni rre ẹdogbo ne u ye, nọ ya ruẹ rẹn wẹẹ Osa nọ mwẹ ẹwaẹn ẹre Jehova gele khin?
