RHIEGBE YE IWINNA IKPORHU IYẸN NỌ MAAN | EMWI NỌ GHA YA RUẸ GHA SỌYẸNMWẸ IWINNA IKPORHU SAYỌ
Ru Iyobọ Ne Emwa Ne U Gu Ruẹ E Baibol Ne Iran Gha Yo Iko
Iko na yo keghi abọ ọkpa ne kpataki ọghe ugamwẹ nọhuanrẹn ne ima rhie ne Jehova. (Psm 22:22) Emwa hia ni rrie iko keghi miẹn afiangbe ọghe Jehova, erriọ iran vbe ya sọyẹnmwẹ. (Psm 65:4) Deghẹ ọmwa ne ima maa re emwi na vbe gha rrie iko vbe ẹghẹ hia, ọ gha ru iyobọ nẹẹn ya gha mwẹ alaghodaro sayọ.
Vbua khian ya ru iyobọ ne emwa ne u gu ruẹ e Baibol ne iran mieke na suẹn gha rrie iko? Gha tama iran vbe ẹghẹ hia ne iran gha die iko. Kpee vidio nọ mwẹ uhunmwuta nọ khare wẹẹ, De Emwi Na Ru Vbe Ọgua Arriọba? ma iran. Gi iran rẹn vbene iko na yo khian ya ru iyobọ ne iran hẹ. (lff iruẹmwi 10) U sẹtin tama iran emwi eso ne u ruẹre vbe iko, ra u ghi tama iran emwi na khian ziro yan vbe iko nọ dee. Viọ avbe ebe na khian ruẹ vbe iko ne iran. U ghi vbe ru iyobọ nọ khẹke ne iran. U sẹtin gu iran ru emwamwa ọghe vbene iran khian ya sẹ iko hẹ. Deghẹ ọmwa ne u gu ruẹ emwi na ghi sẹtin yo iko vbe ẹghẹ okaro, u gha bẹghe ẹre wẹẹ, ẹrhiọn hia ne u loo ro ma de ihọi rua.—1 Kọr 14:24, 25.
GHEE VIDIO NỌ MWẸ UHUNMWUTA NỌ KHARE WẸẸ, RU IYOBỌ NE EMWA NE U YA E BAIBOL MAA RE EMWI NE IRAN GHA YO IKO, IYEKE ỌNI, A GHI ZẸ EWANNIẸN YE AVBE INỌTA NA:
-
De obẹlẹ ne Neeta loo ro ya tie Jade gha die iko?
-
Vbọzẹ ne ọyẹnmwẹ na sẹ ima vbe ọmwa ne ima gu ruẹ e Baibol gha rrie iko?
-
‘Vbene ẹmwata Osanobua gu uwa rre emwa na’
De emwi ne Jade bẹghe vbe ẹghẹ okaro nọ ya yo iko?
