UYINMWẸ ỌGHE IMA NE IVBIOTU E KRISTI
Gha Ya Ẹwaẹn Zẹ Ọse
Ọ khẹke ne Ivbiotu e Kristi ya emwi nọ sunu vbe otọ nọ rriẹ ọghe Moab wan ne egbe. (1 Kọr 10:6, 8, 11) Ivbi Izrẹl eso kegha gu ikhuo e Moab ni sakaan kevbe ni ga ẹbọ mu obọ, rhunmwuda ọni, iran keghi ru orukhọ nọ wegbe. Ọna keghi zẹ ẹbe. (Nọm 25:9) Emwa nibun ne ima gba winna, ne ima gba yo owebe, ne ima gba rre ẹdogbo ọkpa kevbe emwa ima nibun vbuwe ẹgbẹe i ga e Jehova. De emwi ne ima gha miẹn ruẹ vbe okha na vbe nọ dekaẹn ẹbe na lae miẹn deghẹ a na gha gu emwa vbenian mu obọ?
GHEE ABỌ NE KUẸI ỌGHE VIDIO NỌ MWẸ UHUNMWUTA NỌ KHARE WẸẸ, IGIEMWI NỌ KHẸKE NE IMA YA WAN NE EGBE, IYEKE ỌNI, A GHI ZẸ EWANNIẸN YE AVBE INỌTA NA:
-
De iziro nọ ma gba ne Zimri kevbe emwa ọvbehe mu ma e Jamin?
-
De vbene Finihaz ya dia iziro ọghe Jamin hẹ?
-
De alughaẹn nọ rre na gha ya obọ esi mu emwa nẹi re Osẹe Jehova kevbe na gha re ọse iran?
-
Vbọzẹe nọ na khẹke ne ima gha ya ẹwaẹn zẹ ọse, uhiẹn vbuwe ẹbu emwa ni rre uwu iko?
-
Vbọzẹe nọ na khẹke ne ima biegbe ne ẹbu emwa ne ima ma rẹn ẹdẹ ni koko guan vbe intanẹt (chat group)?
